Foto: Týrızm jáne sport mınıstrligi baspasóz qyzmeti
Týrızm jáne sport mınıstri Erbol Myrzabosynov týrnırdiń fınaldyq jekpe-jekterin tamashalap, jeńimpazdardy marapattady.
«Mundaı týrnırler qyzmetkerlerdiń fızıkalyq sheberligin shyńdap qana qoımaı, batyl ári myqty bolýǵa tárbıeleıdi. Bul, óz kezeginde, deni saý ult qalyptastyrýda jáne qyzmetkerler arasynda sportty nasıhattaýda mańyzdy qadam. Sport adamdardy uıymshyldyqqa uıystyryp, tártipti dáripteıdi. Tártip – tabysty qyzmet pen berekeli ómirdiń kepili», dedi mınıstr Erbol Myrzabosynov.
Týrnırge Ulttyq qaýipsizdik komıteti, Memlekettik kúzet qyzmeti, Bas prokýratýra, Qarjylyq monıtorıng agenttigi, Ishki ister, Tótenshe jaǵdaılar jáne Qorǵanys mınıstrliginiń komandalary qatysty.
Jarys elordadaǵy Jaqsylyq Úshkempirov atyndaǵy jekpe-jek saraıynda Olımpıadalyq júıe boıynsha uıymdastyryldy. Týrnır jeńimpazdary men júldegerleri kýbok jáne medalmen marapattaldy.
