Kezdesýge Qaraǵandy medısına kolledjiniń stýdentteri, kitaphana ujymy men aqyndar Qýanysh Maqsutov, Serǵazy Qabyldauly, ólketanýshy, jýrnalıst Ańǵar Smaǵulov, ustaz Ǵazıza Ǵabdollaqyzy, qolóner sheberi Qylyshbek Qurmantegi qatysty.
Satırık shyǵarmashylyqqa kelgen jolyn ásermen jetkizdi. Ázil-ospaq janrynda alǵash qalam terbep júrgende «Qısyq shege» degen shaǵyn satıralyq áńgimeler jınaǵynyń jaryq kórip, keıin shyǵarmalary «Myrs-Myrs» kitabymen oqyrmandarǵa jol tartqandyǵy jóninde áńgimeledi.
«Oblystyq «Ortalyq Qazastan» gazetiniń toqsan jyldyǵy qarsańynda satıralyq áńgimelerim baspadan kitap bolyp jaryq kórdi. Kitaptyń tanystyrylymyn jasadyq. Ustazym Kópen Ámirbek kelip, batasyn berdi. Kópen aǵamen «Aıqyn» gazetinde birge qyzmet etip, «Ara» aptalyǵyn shyǵardyq. «Myrs-Myrs» kitabyma engen shyǵarmalarym sol kezde jazylǵan. Qazir «Túndelik» aıdarymen shaǵyn satıra jazyp jatyrmyn», dedi kesh qonaǵy.
Kezdesýge kelgen meımandar qalamgerdiń bolmysy bala sekildi ekenin, júris-turysynyń ózi satırık ekenin ańǵartatynyn aıtty.
Satıra sańlaǵy Kópen Ámirbekten: «Ádebıettiń sheberligine shek qoımaımyn. Adyr-budyrly aǵashtyń ajaryn ashyp, temirden túıin túıgendeı uly satıranyń ustasyna aınalsyn dep tileımin», dep bata alǵan satırık-jazýshyǵa jınalǵan jurt qoǵamnyń qordalanǵan máselelerin ashy mysqylmen jetkize berýi úshin qalamyna qýat tiledi.
Qaraǵandy oblysy
