Foto: Turizm jane sport ministrligi
Áýesqoı boks: Chernogorııanyń Býdva qalasynda ótken álem chempıonatynda Qazaqstan boksshylary el qorjynyna 17 júlde (6 altyn, 1 kúmis, 10 qola) saldy.
Kúres: Albanııanyń bas qalasy Tıranada ótken kúres túrlerinen álem chempıonatynda (olımpıadalyq emes salmaqtarda) qurama balýandary 1 altyn, 2 kúmis medal jeńip aldy. Erkin kúres ókili Nurqoja Qaıpanov (70 kg) top jarsa, grek-rım sheberi Erjet Jarylqasyn (63 kg), al áıelder kúresinen Jámılá Baqbergenova (72 kg) kúmis medal ıelendi.
Taekvondo: Qatar astanasy Dohada uıymdastyrylǵan halyqaralyq týrnırde elimizdiń eresekter quramasy 8 altyn, 4 kúmis, 7 qola medal enshilese, kadetter komandasy 5 altyn, 8 kúmis, 6 qola medal oljalady.
Shaıbaly hokkeı: Qytaıdyń Beıjiń qalasynda ótken Azııa chempıonatynda Qazaqstan áıelder quramasy qola júldege ıe boldy.
Ústel tennısi: Slovakııanyń Senes qalasynda uıymdastyrylǵan WTT Youth Contender týrnırinde Janııa Bekmuhambetova 11 jasqa deıingi balalar arasynda úzdik atandy.
