Foto: Ashyq derekkóz
Jańashyldyqtarǵa motıvasııalyq esse, mamandyqtar tizimine ózgertýler engizý jáne synaqtardy qaıta tapsyrýǵa ruqsat berý kiredi.
Alǵashqy ózgeristerdiń biri «Bolashaq» baǵdarlamasyna úmitkerlerdiń stıpendııaǵa ótinish berý sebepterin túsindiretin motıvasııalyq esseniń engizilýi boldy.
«Erkin nysanda jazylǵan, kólemi 500 sózden aspaıtyn motıvasııalyq esse, onda kandıdat tańdalǵan JOO — ny jáne onyń osy saladaǵy artyqshylyqtaryn, stıpendııa alý qajettiligin jáne tańdalǵan baǵyt boıynsha alynǵan bilimniń kútiletin nátıjelerin jáne olardy praktıkada odan ári qoldanýdy negizdeıdi», delingen jobada.
Sonymen qatar medısınalyq anyqtama berý qajettiligi alynyp tastalady. Sondaı-aq qujatta mamandyqtar tizbesiniń ornyna «basymdy baǵyt» degen jańa uǵym engizilgen.
«Bul memlekettiń áleýmettik-ekonomıkalyq damýyndaǵy basymdyqtaryna neǵurlym dál sáıkestik, sondaı-aq el úshin neǵurlym ózekti bolyp tabylatyn negizgi baǵyttarǵa nazar aýdarýdy kúsheıtý maqsatynda jasalady. Baǵyttardy tańdaýdyń jańa tetigin OMO usynymdary negizinde respýblıkalyq komıssııa jáne jumys organy bekitetin bolady. Bul resýrstardy ınjenerlik jáne tehnıkalyq ǵylymdar, medısına, áleýmettik ǵylymdar, sý jáne jer resýrstary jáne t.b. sııaqty memleket úshin strategııalyq mańyzy bar baǵyttarǵa shoǵyrlandyrýǵa múmkindik beredi», delingen qujatta.
Sonymen qatar magıstratýra, doktorantýra jáne PhD doktorantýrasyna Split PhD dárejesin qosý, sondaı-aq magıstratýraǵa deıingi daıyndyqty alyp tastaý usynylady.
«Bolashaq» baǵdarlamasyndaǵy basty ózgeris - túlekterge shetelde jumys isteýge múmkindik berilýi múmkin.
