Ekonomıka • 05 Qarasha, 2024

Memqyzmetshilerge syıaqy tóleýge tyıym salynbaıdy - mınıstrlik

200 ret
kórsetildi
1 mın
oqý úshin

Qarjy mınıstrligi osyǵan deıin Úkimet qaýlysyna saı keıbir kirister memlekettik qyzmetshilerge syıaqy retinde tólenbeýi tıis degen bolatyn. Osyǵan baılanysty qoǵamda túrli  pikir qalyptasty. Mınıstrlik bıýdjette syıaqy retinde qarastyrylǵan qarjy sol maqsatta jumsalý kerek ekenin atap ótti, dep jazady Egemen.kz.

Memqyzmetshilerge syıaqy tóleýge tyıym salynbaıdy - mınıstrlik

Foto: egemen.kz/Erlan Omar

Úkimettiń 2001 jyldyń 29 tamyzyndaǵy №1127 qaýlysyna sáıkes memlekettik qyzmetshilerge syıaqy tóleý, materıaldyq kómek kórsetý, laýazymdyq aılyqaqylaryna ústemeaqylar belgileý bıýdjet qarajatyn únemdeý esebinen ǵana júzege asyrylady. 

Qaýlyda issaparlarǵa, kommýnaldy jáne kólik qyzmetterine, baılanys qyzmetterine, úı-jaılardy jalǵa alýǵa, ózgede shyǵystar boıynsha únemdelgen qarjyny syıaqy retinde úlestirýge bolatyny naqty aıtylǵan. 

Qarjy mınıstrligi osyǵan baılanysty zańnamalyq aktilerge ózgeris engizilmegenin málimdedi. Tıisinshe memlekettik qyzmetkerlerge syıaqy tóleýge eshqandaı tyıym salynbaıtyny anyq boldy. 

«Qarjy mınıstrliginiń osyǵan deıingi habarlamasynda Úkimet qaýlysynyń normalaryn buljytpaı ustaný qajettigi jáne baǵdarlama ákimshileriniń qyzmetkerlerdi joǵarydaǵy tizimnen bólek bıýdjettik baptardan qarajatty syıaqyǵa paıdalanýǵa jol bermeý kerektigi aıtylǵan bolatyn.
Investısııalyq jobalardy iske asyrýdan nemese memlekettik apparattyń jumysyna áser etpeıtin materıaldyq aktıvterdi satyp alýdan únemdelgen qarajat bıýdjetke qaıtarylýǵa tıis», delingen mınıstrlik habarlamasynda.