Foto: Vıdeodan alynǵan kadr
5 qarashada oblysta aýa raıy kúrt buzylyp, joldarda kóktaıǵaq paıda bolǵan. Al keı jerlerde boran soqqan. Saldarynan Aqtóbe-Astrahan baǵytynda jol apaty bolǵan. Qandyaǵash qalasyna bet alǵan jolaýshylar avtobýsy júk kóligine soǵylǵan.
«Aqtóbe-Astrahan tas jolynda Alǵyn aýdany Tamdy aýylynyń mańynda Howa júk kóligi men «Iýtong» avtobýsy soqtyǵysqan. Apat saldarynan avtobýs júrgizýshisi Aqtóbe qalasyndaǵy aýrýhanaǵa jetkizildi», dep habarlady oblystyq Polısııa departamenti.
Oblystyq densaýlyq saqtaý basqarmasynyń habarlaýynsha, jol apaty saldarynan 59 jastaǵy er adam dene jaraqattaryn alǵan.
