Sýret: Petr Kovalev/TASS
Astana qalasynda jahandyq ınvestısııa boıynsha ótken «KGIR-2024» dóńgelek ústel jıynynda óńir basshysy Narıman Tóreǵalıev ınvestısııa tartý jáne bızneske qolaıly jaǵdaı jasaý Memleket basshysy aıqyndaǵan negizgi basymdyq ekenin atap ótti. Sonymen birge, bul basqosýdyń áleýetti ınvestorlarmen tanysýǵa, olarǵa óńirdiń ınvestısııalyq múmkindigin kórsetýge jaǵdaı jasap otyrǵanyn aıtty.
«Batys Qazaqstan oblysynda ınvestorlarǵa barlyq qajetti jaǵdaıdy – qolaıly klımat, damyǵan ınfraqurylym men qýatty ónerkásiptik, logıstıkalyq áleýet jasap otyrmyz. О́ńirde joǵary tehnologııalyq óndirister ashylyp jatyr. Bul bizdegi naqty ekonomıkalyq áleýet pen turaqtylyqty kórsetedi», dedi Narıman Tóreǵalıev.
Ákimniń aıtýynsha, keıingi úsh jylda oblystyń negizgi kapıtalyna 1,6 trln teńge ınvestısııa quıylǵan. Sonyń 645,6 mlrd teńgesi 2023 jyldyń enshisinde. Bul aldyńǵy kórsetkishterden 16,4 paıyzǵa joǵary.
«KGIR-2024» basqosýynyń mańyzdy oqıǵasy – BQO ákimdigi men ońtústik koreıalyq «Hyundai Solar KZ 777» kompanııasy arasynda memorandýmǵa qol qoıý boldy. Kompanııa óńirde tórt jobany júzege asyrý maqsatynda 81,4 mlrd teńge ınvestısııa ákelýdi josparlap otyr. Bul 120 jańa jumys ornyn qurýǵa múmkindik beredi. Josparlanǵan jobalar qatarynda qaldyqtardy óńdeý jáne órteý kesheni, jylyjaı kesheni, kún panelderinen elektr qýatyn óndiretin stansa qurylysy bar. Bastamalar 2024-2026 jyldarǵa josparlanǵan.
Batys Qazaqstan oblysy
