Osy jyldyń 4-5 qarashasynda Aqtóbe qalasyndaǵy C2 kovorkıng ortalyǵynyń májilis zalynda Qazaqstan Respýblıkasy Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti.
Is-sharaǵa «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary men teologtary qatysty. Jıynda din máseleleri boıynsha túsindirý tobynyń músheleri –Pedagogıka jáne dintaný mamany Jakııanov Dýlat Jardemkýlovıch jáne dintanýshy Myrzaev Balǵabek Ábdiqaıymuly semınar oqydy.
Jakııanov Dýlat Jardemkýlovıch «Dinı ahýaldy monıtorıng jáne taldaý máseleleri» taqyrybynda jahandyq jaǵdaıdaǵy terrorızm men dinı ekstremızmge qarsy kúrestiń quqyqtyq negizderin toqtala otyryp, din salasyndaǵy memlekettik saıasattyń negizgi baǵyttaryn, prınsıpterin qatysýshylarǵa túsindirdi.
Myrzaev Balǵabek Ábdiqaıymuly «Qazaqstan Respýblıkasyndaǵy radıkaldyq jáne ekstremıstik baǵyttaǵy dinı aǵymdar jáne olardyń belsendiligi týraly» taqyryby aıasynda tyńdaýshylarǵa dinı sananyń erekshelikterin, dindarlyqtyń qurylymyn, jeke tulǵanyń jáne qoǵamnyń dinı damý aıyrmashylyqtaryn túsindirdi. Sondaı-aq «Zaıyrlylyq jáne onyń dinı birlestiktermen qarym qatynasynyń negizgi prınsıpteri» taqyrybymen Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar berildi.
