QR Mádenıet jáne aqparat mınıstrligi Din isteri komıtetiniń arnaıy jobasy aıasynda, Aqtóbe oblysynda din isteri basqarmasynyń qoldaýymen, bekitilgen jospar boıynsha, 2024 jyldyń 28 qazan – 1 qarasha aralyǵynda din máseleleri boıynsha respýblıkalyq aqparattyq-túsindirý tobynyń (budan ári – RATT) músheleri qoǵamda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda semınarlar men ártúrli formattaǵy is-sharalar ótkizdi.
Bul is-sharalarǵa RATT músheleri (teologtar, dintanýshylar) qatysty: Qojahmetova Talshyn Zarqymqyzy – Astana qalasy, JShS «Din máselelerin zertteý ortalyǵynyń» teolog mamany; Malǵaraeva Záýre Boranqulqyzy – «Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy» KEAQ dinı ahýaldy taldaý jáne monıtorıng departamentiniń dırektory; Bısembaeva Roza Baqytqyzy – Aqtóbe oblysy, «Ihsan» ortalyǵy QB ıslamtanýshysy, teolog mamany; Shamshadınova Anar Amangeldiqyzy – «AMANAT» partııasy, Mańǵystaý oblystyq fılıaly tóraǵasynyń orynbasary;
Is-sharalardy uıymdastyrý barysynda, Aqtóbe qalasy, Qarǵaly, Baıǵanın, Alǵa jáne Temir aýdandarynyń meshittegi áıel jamaǵatymen, jastarmen, jergilikti turǵyndarmen jáne t.b. «Zaıyrly qoǵam jáne memleket damýynyń zaıyrlylyq prınsıpteri», «Musylman áıeldiń zaıyrly memlekettegi tulǵasy», «Rýhanı tárbıe jáne jastar», jáne t.b. taqyryptar aıasynda kezdesýler ótkizildi.
