Tórt jyl saıyn ótetin bul konferensııa elektrhımııa salasyndaǵy ǵalymdar arasynda aıtýly oqıǵa sanalady. Munda álemniń jetekshi ǵalymdary ozyq ıdeıalarmen bólisip, sony ǵylymı jetistikterdi talqylaıdy. Mysaly, ataqty amerıkalyq ónertapqysh Tomas Edıson uzaq jyl boıy osy qoǵamnyń múshesi bolǵan. Qazir oǵan kóptegen Nobel syılyǵynyń laýreaty ǵana emes, sonymen birge lıtıı-ıondyq batareıa jasaýshylary da múshe bolyp kirgen.
Jas ǵalym «PRiME-2024 konferensııasynda ZIF-8 keýekti materıalymen qaptalǵan myrysh oksıdi (ZnO) sııaqty ózgertilgen nanomaterıalǵa negizdelgen gaz sensorlaryn ázirleýge arnalǵan jumysyn tanystyrady.
«Bul sensorlar belgili bir gazdarǵa joǵary sezimtaldyq pen selektıvtilikke ıe. Sondyqtan olardyń ekologııalyq jáne óndiristik máselelerdi sheshýge mańyzy zor. Ásirese osyndaı bedeldi jıynǵa zertteýimdi usynýǵa qoldaý kórsetken ǵylymı jetekshim, professor Almagúl Mentbaeva men doktor Baqtııar Soltabaevqa alǵysymdy aıtamyn», dedi ol.
Izdenimpaz magıstranttyń atalǵan jumysy NU Ozyq sensorlar zerthanasynda (ASL) júrgizilip jatqan ǵylymı zertteýlermen tyǵyz baılanysty. Bul zerthananyń maqsaty – óndiristik nysandardaǵy qaýipti gazdardy jyldam anyqtaý úshin qoldanylatyn jańa sensorlyq tehnologııalardy daıyndap, engizý.
«Aýyl sharýashylyǵynda mundaı sensorlardy kókónister men jemis-jıdekterdi jınap alǵannan keıingi kúıin baqylaýǵa paıdalanýǵa bolady. О́ıtkeni bul sensorlar ónimder buzylǵanda bólinetin etılen sekildi gazdardy anyqtaıdy. Bul shyǵyndy azaıtyp, ónimniń sapasyn jaqsartýǵa kómektesedi», deıdi zertteýshi.
Aıdarbek óz sózinde elimizdiń ekologııalyq jaǵdaıyn jaqsartyp, ekonomıkany damytýǵa yqpal etetin tıimdi ári qoljetimdi tehnologııalardy ázirlep, gaz sensory salasyndaǵy zertteýlerin jalǵastyra beretinin jetkizdi.
