Tutqyndalǵan kezinde túsirilgen sýreti ınternetke taraǵan sátten bastap onyń ómiri kúrt ózgerdi. Djeremıdiń kelbeti jeli qoldanýshylaryn beı-jaı qaldyrmaıdy. Sonyń arqasynda «kórikti qylmysker» degen laqap aty paıda boldy. Osylaısha, Djeremıge sán álemindegi iri agentterdiń de kózi túsken. Keıin ol bostandyqqa shyqqan soń, bedeldi sán úılerimen kelisimshartqa otyryp, tanymal brendterdiń bet-beınesine aınalady. Búginde ol – sán áleminiń jaryq juldyzy.
Qozǵalystan qýat óndiredi
Japondar tehnologııa jaǵynan basqalardan kósh ilgeri. Olar, tipti, árbir qozǵalysty energııaǵa aınaldyryp otyr.
Japon metrosy – eldegi eń qarbalas oryndardyń biri. Onda kún saıyn mıllıondaǵan adam júredi. Eń keremeti olar metroǵa pezoelektrlik tehnologııa engizgen. Bul tehnologııa adamdardyń qozǵalysynan qýat óndiredi. Metrony paıdalaný arqyly japondar stansalardy ǵana emes, búkil eldi elektr energııasymen qamtamasyz etip otyr. Tipti bul tehnologııa avtojoldarda da qoldanylady.
Qoqys qarajatqa aınalady
Nıgerııanyń Lagos qalasynyń turǵyndary mekteptegi oqýǵa aqshany qoqyspen tóleıdi.
Munda qaıta óńdeletin qaldyqtardy jınaý arqyly balalardyń bilim alýyna qajetti qarjy jınaýǵa múmkindik berilgen. Ata-analar men oqýshylar plastık bótelkelerdi, karton men basqa da qaldyqtardy jınap, olardy qaıta óńdeýge tapsyrady. Odan túsken qarajat muǵalimderdiń jalaqysyn tóleýge, sondaı-aq mektep formasy men oqý-qural jabdyqtaryn satyp alýǵa jumsalady. Bul bastama qarjyny únemdeýge ǵana emes, eldi qoqystan tazartýǵa da septigin tıgizedi. Qazirgi tańda jobany qaladaǵy qyryq mektep qoldap, iske asyryp jatyr. Mysaly, osy bastama arqyly bir mektep túsken qarajatqa ǵımaratyn keńeıtip, oqýshylar sanyn 70-ten 120-ǵa jetkizgen.
