Jınaqty Qazaqstan Jazýshylar odaǵynyń Batys Qazaqstan oblysyndaǵy ókildigi men Qadyr Myrza Áli atyndaǵy oblystyq mádenıet jáne óner ortalyǵy daıyndap, oblystyq qoǵamdyq damý basqarmasynyń qarjylaı qoldaýymen basylyp shyqqan. Kitapqa 16-35 jas aralyǵyndaǵy 32 jas aqynnyń shyǵarmasy engen.
– Bul jınaqqa Aqjaıyq atyrabynda týyp-ósken aqyndardyń óleńderin engizemiz dep oılap edik. Alaıda aqyldasa kele, basqa óńirde ómir esigin ashyp, bizdiń oblysta bilim alǵan, osy jaqta qyzmetke ornalasyp, ómirdegi ornyn Aqjaıyq atyrabynan tapqan jastardy da jınaqqa engizdik. Mundaı jınaq bizdiń oblysta sońǵy ret 23 jyl buryn basylǵan eken. Igi bastamaǵa qoldaý bildirgen óńir basshysy Narıman Tóreǵalıevke, oblystyq qoǵamdyq damý basqarmasyna rızashylyǵymyzdy bildiremiz! Jańa jınaq jas aqyndarǵa shabyt syılasyn, – deıdi Prezıdent janyndaǵy Ulttyq quryltaıdyń múshesi, «Qurmet» ordeniniń ıegeri, Qazaqstan Jazýshylar odaǵynyń Batys Qazaqstan oblysyndaǵy ókili Baýyrjan Ǵubaıdýllın.
Oblystyq qoǵamdyq damý basqarmasynyń basshysy Darhan Qadyrálıev te sóz alyp, jas qalamgerlerge sáttilik tiledi.
– Biz jastardy qoldaýǵa qashanda daıynbyz. Osy jınaq sonyń dáleli. О́leń ólkesine qanat qaqqan jas aqyndardyń shyǵarmashylyǵyn shyńdaý baǵytyndaǵy jumystar jalǵasady. Bul ıgi joba oblys ákiminiń tapsyrmasymen júzege asty. Kitapqa óleńderi engen aqyndardyń talaı belesti baǵyndyratynyna senemin, – dedi Darhan Qanybekuly.
Al Qadyr Myrza Áli atyndaǵy mádenıet jáne óner ortalyǵynyń dırektory Serik Toqmámbetov jastar shyǵarmashylyǵyn shyńdaý úshin alda da biraz sharýa atqarylatynyn aıtady.
Áserli ádebı keshte jınaqqa óleń-jyry engen shaıyrlar kezek-kezek sahnaǵa shyǵyp, jyrdan shashý shashty. Mahambet О́temisuly atyndaǵy Batys Qazaqstan ýnıversıteti fılologııa fakýltetiniń stýdentteri Ámına Edres, Dıas Beıisovter án shyrqady.
Batys Qazaqstan oblysy
