Bul jetistik ýnıversıtettegi bilim berý baǵdarlamasynyń joǵary deńgeıin kórsetip, halyqaralyq standarttarǵa saı bolýǵa jáne strategııalyq ózgerister baǵytyn ilgerilete tústi.
«QS Stars» halyqaralyq júıesindegi Shákárim ýnıversıtetiniń «juldyzdy» kórsetkishi – atalǵan oqý orny standartynyń bes negizgi baǵyt boıynsha sapaly ekenin aıshyqtady. Eń joǵary 5 juldyz «Bilim berý», «Jumyspen qamtý», «Basqarý», «Áleýmettik yqpal» jáne «Kúshti baǵdarlama» sııaqty kategorııalar boıynsha berilgen. Mundaǵy «Kúshti baǵdarlama» «hımııa-bıologııa» bilim berý baǵdarlamasyna qatysty. Sonymen qatar «Infraqurylym», «Ártúrlilik, teńdik jáne ınklıýzıvtilik», «Akademııalyq damý» jáne «Internasıonaldandyrý» baǵyty boıynsha da 4 juldyzǵa ıe boldy. Joǵary básekelestik jaǵdaıynda bul deńgeıge jetý – ýnıversıtettiń bilim berý sapasyn arttyrý, ǵylymı zertteýlerdi damytý jáne halyqaralyq baılanystardy nyǵaıtý boıynsha júzege asyrǵan dáıekti strategııasynyń nátıjesi.
Qazir joǵary oqý ornynda oqytýshylar quramynyń 37 paıyzyn quraıtyn jas kadrlardy damytýǵa baǵyttalǵan ıgilikti jumystar atqarylyp jatyr.
Bir sózben aıtqanda, kóńil qýantar kórsetkish – Shákárim ýnıversıtetiniń bilim berý jáne ǵylymı bastamalardy qoldaý men iske asyrýdyń naqty platformasy bolyp otyr.
