Foto: Turizm jane sport ministrligi
Shahmat: Blıs-shahmattan eki dúrkin álem chempıony Bıbisara Asaýbaeva Shymkentte ótken Gran-prı jarysynyń ekinshi kezeńinde qola júldeger atandy. Ol 9 týrda 2487 upaı jınady.
⠀
Shaıbaly hokkeı: Almatyda shaıbaly hokkeıden alǵash ret uıymdastyrylǵan Azııa chempıonatynda Qazaqstan quramasy top jardy. Sheshýshi matchta jerlesterimiz Japonııadan 5:1 esebimen basym tústi.
⠀
Ústel tennısi: Italııanyń Lınıano qalasynda ótken WTT Youth Contender Lignano 2024 halyqaralyq týrnırinde Jánııa Bekmuhambetova qola júldeger atandy. Ol 13 jasqa deıingi oıynshylar arasynda synǵa tústi.
⠀
Sondaı-aq Alan Qurmanǵalıev Majarstannyń Sombatheı qalasyndaǵy WTT Youth Contender Szombathely 2024 halyqaralyq týrnırinde úshinshi oryndy enshiledi.
⠀
Júzý: Gonkongta ashyq aıdynda júzýden Azııa chempıonatynda otandasymyz Lev Cherepanov máreni úshinshi bolyp kesip, qola júldeger atandy.
⠀
Trıatlon: Saýd Arabııasynyń Ál-Djýbaıl qalasynda ótken U23 jas sanatyndaǵy Azııa chempıonatynda jerlesterimiz 1 kúmis, 1 qola medal ıelendi.
⠀
Arbadaǵy tennıs: Grekııanyń Mesın qalasynda uıymdastyrylǵan ITF Wheelchair Tennis Tour týrnırinde Janna Úmitqulova kúmis júlde oljalady.
⠀
Sambo: Sporttyq, jaýyngerlik jáne zaǵıp jandar boıynsha eresekter arasynda Elordada ótken álem chempıonatynda Qazaqstan quramasy 3 altyn, 5 kúmis, 9 qola medaldarmen jalpykomandalyq esepte 2-oryndy enshiledi.
