Onyń ınstagram áleýmettik jelisine jarııalaǵan beınejazbasynan Qazaqstan, О́zbekstan, Qyrǵyzstan, Tájikstan, Túrikmenstan memleketteriniń baıraǵyn shyńǵa qadaǵanyn anyq ańǵaramyz. Resmı paraqshasyna «Dostyǵymyz ben tynyshtyǵymyz baıandy bolsyn», dep jazdy Fazılov.
Erteginiń emdik qasıeti
Shymkentte til kemistigi bar balalarǵa ertegi terapııasy qoldanylady. Aımaqta ınklıýzıvti bilimge muqtaj 14 myńǵa jýyq bala bar.
Olarmen 594 arnaıy pedagog jumys isteıdi. Balabaqsha men bilim uıymdarynan bólek, qosymsha ınternattar men ońaltý ortalyqtary qurylǵan. «Halyq ertegilerin ádistemege qosyp, artıkýlıasııalyq jattyǵýlar oryndatamyz. Qııal-ǵajaıypqa toly «Baýyrsaq», «Qarlyǵashtyń quıryǵy nege aıyr?» sııaqty shyǵarmalar oqýshylardyń oı-órisin damytýǵa ári anyq sóıleýine aıtarlyqtaı paıdasyn tıgizedi», deıdi logoped-defektolog Gúlbahar Týrsımetova.
Dáriger robot
Elimizde býyn aýrýyna shaldyqqan naýqastarǵa operasııa jasaýǵa robot kómektesedi. Jyl basynan beri dárigerler zamanaýı tehnologııa kómegimen 30-dan asa endoprotezdeý operasııasyn sátti oryndaǵan. Tyń ádis býyndy tolyq nemese jartylaı almastyrýǵa múmkindik beredi.
«Mako» dep atalatyn bul robot asqan dáldikpen jumys isteıdi. Ol adam ıyǵy, shyntaǵy, tizesi, jambasy sekildi dene bólikterine operasııa jasaı alady. «Shynymdy aıtsam, osylaı aıaqqa turyp kete beremin dep oılaǵan joqpyn. Birden eki tizege jasaýǵa bolatyny qýantady. Buryn aldymen birinshi tizege jasap, bir jyl ońalýdan keıin ǵana ekinshisine jasaıtyn. Shetel klınıkalaryna qaraǵanda baǵasy 3 jarym ese arzan. Innovasııalyq tehnologııa arqyly jasalatyn operasııa jeke hırýrgııalyq josparlaý arqyly júzege asyrylady», deıdi Oral qalasynyń turǵyny Záýresh Lekerova.
