Sýret: Sputnik.kz / Abzal Kalıev
Sırııa úkimetiniń kelissóz tobyna Syrtqy ister jáne ekspatrıanttar isteri jónindegi mınıstrdiń orynbasary Aıman Raad jetekshilik etse, Sırııa oppozısııasy atynan Ahmad Toma basshylyq jasady.
Sonymen qatar kezdesýge kepilger elderdiń delegasııalary qatysty. Reseı delegasııasyn Sırııadaǵy jaǵdaıdy retteý boıynsha RF Prezıdentiniń arnaıy ókili Aleksandr Lavrentev, Túrkııa delegasııasyn TR SIM-niń Ekijaqty saıası qatynastar jónindegi bas dırektory Mýstafa Iýrdakýl, al Iran delegasııasyn IIR SIM-niń Arnaıy saıası máseleler jónindegi kómekshisi Alı Asgar Hadjı basqardy.
Kelissózderge baqylaýshy retinde Iordanııa, Lıvan jáne Irak ókilderi, sondaı-aq halyqaralyq uıymdar – Birikken Ulttar Uıymy, BUU-nyń Bosqyndar isteri jónindegi joǵarǵy komıssarynyń basqarmasy jáne Qyzyl krest ókilderi qatysty.
Sırııadaǵy jaǵdaıdy retteýge arnalǵan Astana prosesi aıasyndaǵy halyqaralyq kelissózderdiń 22-raýndy nátıjeli aıaqtalǵanyn atalǵan kelissózderdiń jalpy otyrysynda Qazaqstan Syrtqy ister mınıstriniń orynbasary Álibek Baqaev málimdedi.
«Eki kún ishinde kelissózge qatysýshy taraptar Astana prosesiniń kezekti otyrysy aıasynda Sırııadaǵy jaǵdaıdy ári qaraı turaqtandyrýǵa jáne ondaǵy gýmanıtarlyq jaǵdaıdy jaqsartýǵa baǵyttalǵan asa mańyzdy ári mazmundy kelissózder ótkizdi. О́zderińizge málim, Qazaqstan óziniń múmkindikterine oraı dostas Sırııa halqyn jáne sırııaishilik retteý prosesin qoldaýǵa kúsh-jigerin salyp keledi. Sırııa jónindegi Astana formaty aıasynda ótken kelissózderdiń deeskalasııa aımaqtaryn qurý, janjaldasýshy taraptar arasyndaǵy shıelenisti toqtatý jáne adam shyǵynyn azaıtý tárizdi bastapqy maqsattary búginde tolyqtaı oryndalyp, sırııalyqtardyń qalypty turmys-tirshiligin qaıta qalpyna keltirýge zor múmkindik ashyp otyr. Osy oraıda múddeli taraptar Astana prosesiniń nátıjesinde qalyptasqan qolaıly jaǵdaıdy barynsha tıimdi paıdalana otyryp, qaqtyǵystyń saıası sheshimin tabýǵa barynsha yqpal etedi dep kámil senim bildiremiz», dedi Á.Baqaev.
2017 jyldyń qańtar aıynan bastap Sırııa boıynsha Astana formatynda Iran, Reseı jáne Túrkııanyń deldaldyǵymen, BUU-nyń qoldaýymen kelissózder ótip keledi. Bul platforma bizge deeskalasııa aımaqtaryn damytýǵa jáne zorlyq-zombylyqty azaıtýǵa yqpal etetin mańyzdy kelisimderge qol jetkizýge múmkindik berdi. Qazaqstan qaqtyǵysýshy taraptardy tatýlastyrý úshin halyqaralyq yntymaqtastyqtyń óte mańyzdy ekenin túsinip, Astana prosesine beıildi bolyp qala beredi. Sırııa tarıhyndaǵy osy qaıǵyly jaıtty sheshýdiń jalǵyz joly – BUU jarǵysy men qararlaryna sáıkes úılestirilgen saıası jáne dıplomatııalyq tásil.
