Foto: Kazakh Tourism
Baıqaýǵa qatysýǵa ótinimder bıylǵy 30 jeltoqsanǵa deıin qabyldanady. Oǵan oblys ákimdikteri 3 aýyldy usyna alady.
Kazakh Tourism ulttyq kompanııasynyń basshysy Qaırat Sádýaqasovtyń aıtýynsha sońǵy jyldary osyndaı saıahatqa qyzyǵýshylyq artyp keledi.
«Mádenıet pen dástúrge baı jáne qolónerdi saqtaǵan ári biregeı tabıǵı landshafttary bar aýyldyq aýmaqtardy anyqtaýǵa jáne ilgeriletýge nıettimiz. Olar jańa baǵyttar men aýtentıkalyq týrızmdi tańdaǵan týrıster úshin tartymdy bolýy múmkin», dedi ol.
Baıqaýǵa qatysýshylardy týrızm jáne oǵan sabaqtas salalardaǵy sarapshylardan turatyn táýelsiz keńes baǵalaıdy. Ulttyq kezeńniń jeńimpazdary BUU Dúnıejúzilik Týrıstik Uıymy (UN Tourism) ótkizetin UN Tourism Best Tourism Village halyqaralyq baıqaýynda Qazaqstandy tanystyrady.
Aıta ketsek, 2023 jyly Almaty oblysynyń Saty aýyly bedeldi «BEST Tourism Villages by UNWTO 2023» syılyǵymen marapattalǵan edi.
