Alyp portrettiń bıiktigi 6, al eni – 4,5 metrge jetken. Qolóner týyndysyn jasaýǵa Astanadaǵy №80 mektep-gımnazııasy muryndyq bolǵan. Mektep belsendileri aqyn beınesin jasaýǵa 2 700 quraq qoldanyp, bir jarym aı ýaqytyn arnaǵan.
Sırek kezdesetin zúbárjat
Shveısarııanyń Jeneva qalasynda «Krıstıs» bássaýdasynda zúbárjat túıreýish 8 mln 800 myń dollarǵa satyldy.
Baǵaly syılyq «4S» júıesi boıynsha anyqtaldy: cut (pishini), clarity (tazalyǵy), color (túsi), carat (salmaǵy). Bul júıe brıllıanttyń qanshalyqty qospasyz ekenin kórsetedi. Atalǵan asyl buıymnyń salmaǵy – 37 karat. Ony 1960 jyly hanzada Aga Han úılený toıynda qalyńdyǵy Nına Daıerge syıǵa bergen. Mamandar: «Bul óte sırek kezdesetin zúbárjat», dep baǵalady. Asyl tas negizi Kolýmbııada óndirilgen. Ony aýksıon úıine uzaq jyl qolynda ustaǵan kolleksıoner ákelipti.
Eń bıik kópir
Qytaıdyń Gýıchjoý provınsııasynda salynyp jatqan Hýaszıan shatqalynyń kópiri álemdegi eń bıik kópir bolmaqshy.
Qurylys jumystary 2021 jyly bastalyp, 2025 jyldyń maýsymynda aıaqtalady dep josparlanǵan. Kópirdiń jalpy uzyndyǵy – 2 890, al bıiktigi – 625 metr. Bul kórsetkish qazir álemdegi eń bıik kópir – Beıpanszıannan da asyp túsedi. «Gýıchjoý provınsııasy taýly jáne shatqaldy jerlerimen tanymal. Sondyqtan bul qurylys aımaqtyń ınfraqurylymyn jaqsartyp, ekonomıkalyq damýyna oń áserin tıgizedi», deıdi sarapshylar.
