Atyraý belsendileri – elordada

Atyraý oblysynda bıyl maý­sym aıy­nan beri «О́zgeris kóshbasshylary» jas saıa­satkerler mektebi jumys isteıdi. Irik­teý barysynda ár saladan 30 adam tań­daldy. Jobanyń maqsaty – óńirdiń áleýmettik-ekonomıkalyq máselelerin sheshýge belsendi jastardy tartý. Mektep qatysýshylary memleket jáne qoǵam, azamattyq quqyq, bıýdjet, áleýmettaný jáne azamattyq tehnologııalardy paıdalaný sekildi bes baǵyt boıynsha oqýdan ótedi.

Astanaǵa saparlaǵan olar áýeli Mádenıet jáne aqparat mınıstrliginde Jastar jáne otbasy isteri komıteti tóraǵasynyń orynbasary Birjan Álim­janovpen kezdesti. Jıynda jastar saıasatynyń negizgi aspektileri qozǵaldy. Qonaqtarǵa qysqasha ekskýrsııa da uıym­dastyryldy.

Kóshbasshylar Jastar ǵylymı-zertteý ortalyǵy ujymymen de júzdesti. Kezdesý barysynda qatysýshylar ortalyq jumy­symen, onyń ǵylymı jobalary jáne jastardy qoldaý men damytýǵa arnalǵan mańyzdy is-sharalarmen tanysty.

Bul kezdesý jas kóshbasshylarǵa jastardyń ózekti máseleleri men qajet­tilikterin qamtıtyn zertteýler júrgizý baǵytyndaǵy negizgi qyzmeti týraly tereńirek túsinik alýǵa múmkindik berdi. Jastar saıasatyn damytýda ǵylymı kózqarastyń mańyzy erekshe atalyp ótti. Talqylaýda ortalyqtyń zertteý nátıjelerin kún tártibinde turǵan ózekti máselelerdi eskeretin óńirlik damý strategııalary men baǵdarlamalaryna engizý qajettigi sóz boldy.

Qatysýshylar «О́zgeris kóshba­s­shy­lary» sııaqty jobalar tájirıbe almasýǵa, sondaı-aq ǵylymı qaýymdastyq pen jastar arasyndaǵy ózara baılanys­ty nyǵaıtýǵa yqpal etetinin atap ótti. Bul óz kezeginde jastardy óńirdi damytý úderisine belsendi tartýǵa múmkindik beredi.