Genderlik saraptama jasalady

Oqytýdy Qazaqstandaǵy BUU-Áıel­der qurylymy Mádenıet jáne aq­parat mınıstrligi jáne Qazaqstan qoǵamdyq damý ıns­tıtýtymen birlesip, Pre­zıdent janyndaǵy Áıelder isteri jáne otbasylyq-demogra­fııalyq saıasat jónindegi ult­tyq komıs­sııanyń qoldaýymen uıymdastyrdy. Qatysýshylar halyqaralyq quqyq standarttary, genderlik teńdik, genderlik meınstrımıng jáne normatıvtik qujattarda qoldanýǵa arnalǵan termınologııany taldady. Tre­nıngti genderlik taldaý sa­lasynyń sarapshysy, nor­­ma­tıvtik aktilerge arnal­ǵan gender­lik saraptama ádis­temeleriniń avto­ry, Helsınkı ýnıversıteti­niń profes­sory Marıanna Mýraveva júrgizdi.

– Áıelderdiń quqyqtary men múmkindikterin keńeı­tý máselesi – elimizde ǵana emes, jalpy búkil álemde asa mańyzdy taqyryptardyń biri. Biz bul máseleni tek quqyq­tyq turǵydan emes, sondaı-aq áleýmettik-ekonomıka­^­lyq, mádenı aspekti retinde de qarastyrýymyz qajet. Jal­py elimizde áıelderdiń quqyqtaryn qor­ǵaý men biliktiligin arttyrýdy qamta­masyz etý baǵytynda Memleket bas­shy­synyń saıası sheshimimen birqatar mańyz­dy qadam jasalyp jatyr. Máse­len, osy jyly qabyldanǵan áıel­d­erdiń quqyqtaryn qorǵaý jáne bala­lardyń qaýipsizdigin saq­taý týraly zań, genderlik saıasat júrgizýge baǵyt­talǵan jańa birqatar reforma osy­­ǵan dálel bola alady. Áıelder­diń saıasat­qa aralasýy – tek genderlik teńdik má­selesin emes, eldiń bolashaǵyn anyq­taı­tyn mańyzdy faktorlardyń biri. Buǵan kóptegen zertteý negiz bola alady. Sondyqtan saıasatqa keletin áıel­der­diń biliktiligin arttyrý qajet, – dedi Má­jilis depýtaty Juldyz Súleımenova.