Kollajdy jasaǵan Amangeldi Qııas, «EQ»
«Bıyl Qazaqstannyń eksportqa 12 mıllıon tonna astyq shyǵarýǵa múmkindigi bar. Bul – óte kóp ónim jáne zor jaýapkershilik. Dıqandardyń ónimin syrtqy naryqqa shyǵarýǵa jan-jaqty qoldaý kórsetý – Úkimettiń basty mindeti. Eksporttyq áleýetimizdi arttyra túsý úshin álemdik naryqta suranysqa ıe baǵaly daqyldardy kóbirek ósirý qajet», dedi Prezıdent.
Memleket basshysynyń aıtýynsha, Almaty, Astana, Shymkent qalalarymen irgeles aımaqtardaǵy dıqandardyń mol múmkindigi bar.
«Osy oraıda Aqmola oblysyn úlgi retinde aıtýǵa bolady. Bul aımaq elordanyń «azyq-túlik beldeýi» degen atqa laıyq ekenin dáleldedi. Bıyl oblystyń aýyl sharýashylyǵyndaǵy jalpy ónimi eki ese ósken. Bul – óte jaqsy nátıje. Sondyqtan aýqymdy ishki naryǵy bar qalalarmen shektesetin basqa da aımaqtar osy baǵytta belsendi jumys isteýi kerek», dedi Q.Toqaev.
Aıta ketý kerek, Qazaqstanda san túrli azyq-túlik ónimi shyǵarylady. Jurt óz ónimderimizdi kóbirek satyp alý úshin ony elge tanytyp, keńinen nasıhattaý kerek.
