Foto:T.Tanybaev
Otyrysta baıandama jasaǵan Sıfrlyq damý, ınnovasııalar jáne aeroǵarysh ónerkásibi birinshi vıse-mınıstri Qanysh Tóleýshın «Astana Hub» IT-startaptar halyqaralyq tehnoparki men «Innovasııalyq tehnologııalar parki» avtonomdy klasterlik qoryn biriktirýdi zańnamalyq turǵydan retteý usynylyp otyrǵanyn atap ótti.
«Bul sharalardyń negizgi maqsaty – ınnovasııalyq jáne aqparattyq-kommýnıkasııalyq tehnologııalardyń ekojúıesin damytý úshin sınergııany kúsheıtý. Osy blok sheńberinde «Innovasııalyq tehnologııalar parki» biryńǵaı derbes klasterlik qorynda ókilettikterdi biriktirý, fýnksııalardy naqtylaý, negizgi uǵymdardy túzetý jáne basqarýdy ońtaılandyrý kózdelgen. Barlyq ózgeris zańnamany jańa qurylymnyń qajettilikterine sáıkes keltirýge baǵyttalǵan. Osy blokty iske asyrý qoldaý quraldaryn shoǵyrlandyrýdy, qaıtalanatyn fýnksııalardy joıýdy, 2025 jylǵa qaraı tıimdiliktiń negizgi kórsetkishterine qol jetkizýdi qamtamasyz etedi jáne aqparattyq tehnologııalar salasyndaǵy «Astana Hub» tabysty tájirıbeleriniń sheńberin basqa ınnovasııalyq baǵyttarǵa deıin keńeıtýge múmkindik beredi», dedi Q Tóleýshın.
Vıse-mınıstrdiń aıtýynsha, memlekettik tapsyrmany oryndaý úshin respýblıkalyq bıýdjetten bólingen qarajat pen Tehnopark qatysýshylarynan túsken alymdar «Astana Hub»-ty qarjylandyrýdyń negizgi kózderi bolyp sanalady. Qor kommersııalyq emes uıym bolǵandyqtan, zań jobasy «alymdar men tólemder» termınin olardyń naqty maqsatyn kórsetetin «múshelik jarnalarǵa» aýystyrýdy usynady. Bul ózgerister eldiń memlekettik tapsyrmaǵa arnalǵan shyǵystaryn qysqartýǵa jáne «Astana Hub»-tyń ózin-ózi aqtaýyn qamtamasyz etýge múmkindik beredi. Bul qatysýshylarǵa turaqty qoldaý kórsetýge jáne eldiń ekojúıesin damytýǵa jol ashady.
Zań jobasynyń taǵy bir bóligi aqparatqa jáne qoldaý sharalaryna ortalyqtandyrylǵan qoljetimdilikti qamtamasyz etýge, ǵalymdar, ınnovatorlar, memlekettik organdar, bıznes, jer qoınaýyn paıdalanýshylar jáne halyqaralyq seriktester arasyndaǵy ózara is-áreketti kúsheıtýge baǵyttalǵan.
Otyrysta venchýrlyq kapıtal naryǵyn odan ári damytýǵa qatysty zańnamalyq bastamalar da qarastyryldy. Venchýrlyq qorlardy birlesip qarjylandyrý tıimdiligin olardyń aktıvteriniń tabystylyǵyna, ıaǵnı jobalar portfeline negizdelgen baǵalaý mańyzdy norma retinde engizilmek. Bul otandyq ınnovasııalyq saıasatty damyǵan ekonomıkalardyń tájirıbelerimen salystyrýǵa, onyń kúshti jáne álsiz jaqtaryn anyqtaýǵa, startaptar men ınnovasııalardy qoldaýdy kúsheıtýge jáne joǵary tehnologııalyq salalarǵa qosymsha ınvestısııa tartýǵa múmkindik beredi.
Talqylaý barysynda depýtattar otandyq jáne halyqaralyq IT-kompanııalar úshin «Astana Hub» rezıdentterine arnalǵan salyq jeńildikteri, venchýrlyq qorlardy damytý, tehnoparktiń tıimdiligi jáne basqa da máselelerge nazar aýdardy.
Otyrys barysynda «Astana Hub» tehnoparki qyzmetiniń ashyqtyǵyna qatysty birqatar eskertý aıtyldy. Depýtat Anas Baqqojaevtyń aıtýynsha, tehnopark shamamen 10 jyl buryn qurylǵanymen, osy ýaqyt ishinde qoıylǵan mindetter oryndalmaǵan. Bul suraqqa jaýap bergen Qanysh Tóleýshın qazirgi ýaqytta «Astana Hub»-ta 1,5 myń rezıdent jumys isteıtinin, onyń 400-i sheteldik kompanııalar ekenine toqtaldy. Tehnoparkti qoldaýǵa jyl saıyn shamamen 4 mıllıard teńge bólinedi, onyń jartysy jalǵa alý aqysyn óteýge jumsalady.
«Eger biz jumys oryndaryn qurý, áleýmettik salyqtardy tóleý, IT salaǵa ınvestısııalar tartý, eksport sııaqty qyzmet nátıjelerine qarasaq, Qazaqstan oń nátıje kórsetip otyr», dedi Q. Tóleýshın.
Jıyn barysynda aıtylǵan usynystar depýtat Aıtýar Qoshmambetov jetekshilik etetin jumys tobynda qaralady.
