Astanaǵa arnaıy kórme úshin Londonnan eki tonna eksponat jetkizilgen. Onyń ishinde metall ınstallıasııalar men músinder, kenep sýretter, beınepannolar bar.
«Meniń shyǵarmashylyǵym – álemniń sheksiz transformasııasynyń kórinisi. Kórermen eski formalardyń joıylǵanyn, jańa formalardyń paıda bolyp, tipti erekshe dúnıege ulasyp jatqanyn kórse eken» deıdi kórme avtory.
Iýnýs Safardııar – Koroldik kórkemsýret akademııasynyń múshesi. Onyń kórmeleri men týyndylarynyń aýksıondary 1986 jyldan beri ótkizilip keledi. Músinshiniń shyǵarmalary Nıý-Iork, London, Florıda, Sankt-Peterbýrg, basqa da qalalardaǵy mýzeıler men jeke kolleksııalarda saqtaýly tur. Birneshe jumysy eń kóne aýksıondardyń biri Sotheby’s-te satylyp, al «Oıaný» músini Londondaǵy áıgili Regent’s Park-ke kórik berip tur.
Búginge deıin Ulttyq mýzeıdegi kórmeni 3,5 myńnan astam adam tamashalady. Ekspozısııa mýzeıdiń 5-qabatyndaǵy kórme zalynda usynylǵan.
