Fotolar: Korporatıvtik kommýnıkasııalar departamenti
Shymkent-Almaty baǵyty boıynsha DV707 reısimen ushyp kelgen Sholpan Sadyqova 10 mıllıonynshy jolaýshy atandy.
Aıta ketsek, servıstik kompanııalary arqyly 33 eldegi 110 áýejaıda qyzmetterdiń keń spektrin usynatyn álemdegi jetekshi áýejaı basqarý kompanııalarynyń biri - Tav Airports Holding kompanııasy basqaratyn jáne qyzmet kórsetetin Almaty halyqaralyq áýejaıy úshin 2024 jyl jetistikterge toly boldy, jolaýshylar aǵyny 9 mıllıon adamǵa jetti.
Atalǵan áýejaıdyń Korporatıvtik kommýnıkasııalar departamentiniń málim etýinshe, áýe aılaqty 2021 jyldan beri basqaratyn TAV Airports kompanııasy sońǵy 3 jylda áýe aılaqqa 200 mıllıon dollardan astam ınvestısııa salǵan jáne keler ýaqytta da ınvestısııalaýdy jalǵastyrýdy josparlap otyr. 3 jyl ishinde baǵyttar sany 2 ese jáne ALA-ǵa ushatyn avıakompanııalar sany 24-ten 37-ge deıin ósken. 2024 jyldyń 9 aıynda jolaýshylar aǵyny 8,5 mıllıon adamǵa jetken, bul 2023 jylmen salystyrǵanda 21%-ǵa artyq.
Kompanııa jolaýshylardyń qaýipsizdigi men jaılylyǵyn arttyrýǵa baǵyttalǵan jobalarǵa ınvestısııa salýdy josparlap otyr, oǵan sol jaq ushý-qoný jolaǵyn tolyq qaıta qurý, perrondardy jáne kóktaıǵaqqa qarsy alańdy jańartý, aerodrom jabdyqtary parkin jańartý jáne t.b. jatady. Búginde ishki reıster termınaly (T1) tolyq jańǵyrtylyp jatyr. Termınaldy tolyq qaıta qurý jumystaryn 2025 jyldyń sońynda aıaqtaý josparlanyp otyr.
Almaty halyqaralyq áýejaıyn keńeıtý boıynsha aýqymdy joba jolaýshylar termınaly men jalpy avıasııa ǵımarattarynyń qurylysyn, sondaı-aq estakada, ortalyq ınjenerlik qondyrǵy, aerodrom jáne vokzal mańy aýmaǵyn qaıta jóndeýdi qamtıdy.
Aıta keteıik, 10 mıllıonynshy jolaýshy atanǵan almatylyq Sholpan Sadyqova ata-anasyn Saryaǵashtan emdetip, alyp kele jatqan edi. Áýejaıdyń atynan «juldyzdy jolaýshyǵa» Grýzııaǵa 2 joldama berildi.
