2024 jylǵy 21 qarashada Astanada ótken is-sharaǵa Ulytaý, Qaraǵandy, Túrkistan oblystarynyń, Shymkent jáne Saran qalalarynyń qoǵamdyq keńes ókilderi qatysty.
Qatysýshylar qoǵamdyq baqylaý tetikterin jetildirý, memlekettik organdarmen ózara is-qımyldy nyǵaıtý jáne qoǵamdyq keńesterdiń rólin kúsheıtý máselelerin pysyqtady.
Stadı-týr aıasynda QR Sybaılas jemqorlyqqa qarsy is-qımyl agenttiginiń Qoǵamdyq keńesiniń tóraǵasy jáne QR Prezıdenti janyndaǵy Keshirim jasaý jónindegi komıssııanyń tóraǵasy Marat Bashımovpen jáne Astana qalasy Qoǵamdyq keńesiniń Tóraǵasymen kezdesýler ótti. Bul kezdesýlerde sybaılas jemqorlyqqa qarsy is-qımyldaǵy qoǵamdyq keńesterdiń róli men áleýmettik máselelerdi sheshýdegi ashyq kommýnıkasııanyń mańyzdylyǵy erekshe atap ótildi.
Is-sharanyń qorytyndysynda «Qoǵamdyq keńesterdi damytý» jobasynyń nátıjeleri tanystyrylyp, tabysty tájirıbeler men usynystar usynyldy. Bul stadı-týr qoǵamdyq keńesterdiń áleýetin arttyrýǵa jáne azamattyq qoǵamnyń rólin nyǵaıtýǵa mańyzdy úles qosty.
