Kún saıyn eki myńnan astam júk kóligi qaldyqtardy jınap, olardy arnaıy óńdeý ortalyqtaryna jetkizedi. Elde tórt úlken qoqys jaǵatyn zaýyt jumys isteıdi. Olar sıntetıkalyq materıaldardy, sonyń ishinde plastıkti, qaıta óńdeý arqyly qurylysqa qajetti materıaldarǵa aınaldyrady. Mysaly, plastıkalyq qaldyqtar sementpen aralastyrylyp, kirpish óndirisinde nemese joldardy salýda qoldanylady. Úderis barysynda alynǵan jylý energııaǵa aınalyp, turǵyn úıler men ǵımarattardy qamtamasyz etedi. Al janý kezinde bólinetin tútin arnaıy súzgiler arqyly tazartylady.
Qýatty 3D prınter
Aýstralııalyq ǵalymdar bıologııalyq 3D prınterlerdiń jumys jyldamdyǵyn 350 ese arttyrdy.
Bul tehnologııa kóptegen adamnyń ómirin qutqarýǵa múmkindik beredi. Qurylǵy nebári 10 mınýt ishinde adam qulaǵyn, al birneshe sekýndta terini basyp shyǵara alady. 3D basyp shyǵarý ádisi arqyly jasýshalyq negizde kólemdi bıologııalyq qurylymdar jasalady. Bul dárigerlerge zaqymdalǵan múshelerdi qalpyna keltirýge nemese tolyqtaı jańasyn basyp shyǵarýǵa jol ashady. Qazirgi kezde tehnologııa kúıik shalǵan naýqastarǵa jasandy teri daıyndaý baǵyty boıynsha belsendi zertteý júrgizip jatyr. Bul jańalyq bolashaqta mıllıondaǵan adamnyń ómirin jaqsartýǵa jáne medısınalyq qyzmetterdi qoljetimdi etýge septigin tıgizetini sózsiz.
Robot júk tasýshy
«Robust AI» kompanııasy Carter Pro atty jańa robot-júktasýshysyn tanystyrdy.
Robot júk qoımalarynda adamdarmen birge jumys isteı alady. Robotty arnaıy tutqasy arqyly qolmen basqarýǵa bolady. Carter Pro ózine ornatylǵan kameranyń kómegimen qoımada erkin qozǵalady. Ony alǵashqy bolyp DHL logıstıkalyq kompanııasy synaqtan ótkizip jatyr.
