Jıyn barysynda №6 Balalar men jasóspirimderdiń mamandandyrylǵan Olımpıadalyq rezerv sport mektebiniń jattyqtyrýshysy Vera Rıve «Úzdik jattyqtyrýshy» atansa, sol mekteptiń sportshysy Murat Kýıtenov «Jyldyń úzdik sportshysy» atalymyn enshiledi.
Sonymen qatar, Federasııanyń arnaıy marapattary – ardager jattyqtyrýshylar Andreı Sklıarov pen Aleksandr Kochetkovqa tabystalyp, velosportty damytýǵa qosqan úlesi úshin Vladıslav Gorbýnov alǵys hatpen marapattaldy.
Aıta ketsek, atalǵan jıynda «2024 jylǵy Úzdik óńir» ataǵyn Astana qalasy aldy. Bıyl Astananyń velosport mektebi qalalyq Dene shynyqtyrý jáne sport basqarmasymen, sondaı-aq Qazaqstan velosport federasııasymen birlesip, 100-den astam buqaralyq is-shara uıymdastyrdy. Mektep sportshylary respýblıkalyq jáne halyqaralyq sharalarda 300-den astam medal jeńip alyp, elorda sportynyń mártebesin asqaqtatty.
