Otyrys barysynda Agenttik qyzmetkerleri áleýmettik mańyzy bar taýarlar naryǵynda deldaldardy joıý boıynsha júrgizilip jatqan jumystar týraly baıandady.
Keńes múshelerine elektrondyq shot-faktýralardyń derekteri negizinde ÁMAT-qa ruqsat etilgen saýda ústemesiniń asyp ketý faktilerin avtomatty túrde anyqtaýǵa múmkindik beretin Taldamalyq júıeniń múmkindikteri tanystyryldy.
Bıyl Agenttik ákimdikter janyndaǵy óńirlik komıssııalardyń atyna 650-den astam materıal jiberdi, olar boıynsha 350 adam ákimshilik jaýapkershilikke tartyldy.
Osy júıede monıtorıngpen áleýmettik memlekettik mekemeler qamtylǵan. Onyń 600-den astamy 350 mln-nan astam bıýdjet qarajatyn únemdeı otyryp, memlekettik satyp alý týraly sharttardy qaıta qarady.
Qarjy pıramıdalaryna qarsy is-qımyl jónindegi arnaıy jobany iske asyrý nátıjeleri de tanystyryldy.
QMA analıtıkalyq júıeniń kómegimen qarjylyq jáne alaıaqtyq jobalardyń jarnamasy bar-joǵyn tekseretin ınternet-keńistiktiń monıtorıngin júrgizedi.
Nátıjesinde uıymdastyrýshylar anyqtalyp, olardyń qyzmetine jol bermeý sharalary qabyldanady.
Osyndaı algorıtm arqyly aǵymdaǵy jyldyń basynan bastap 28 qarjy pıramıdasy joıyldy, 12 myńǵa jýyq saıt, 25 jalǵan qarjy jobasy boıynsha 300-ge jýyq chat jáne áleýmettik jelilerdegi akkaýnttar buǵattaldy, «Baiqa piramida» Telegram-botymen azamattardan túsken 9 myńnan astam suranys qaraldy.
Keńes sondaı-aq Agenttiktiń Almaty qalasy, Almaty oblysy jáne Jetisý oblysy boıynsha aýmaqtyq departamentteriniń óńirlerdegi kóleńkeli ekonomıkaǵa qarsy is-qımyl máseleleri jónindegi basshylaryn tyńdady.
Agenttik tóraǵasy Janat Elımanov qarjylyq monıtorıng qyzmetin odan ári jetildirý maqsatynda jurtshylyqpen syndarly dıalogtyń mańyzdylyǵyn atap ótti.
О́z kezeginde Keńes músheleri ÁMAT baǵalaryn monıtorıngileý tetigin jetildirýge jáne qarjy pıramıdalarynyń qyzmetine qarsy is-qımyl jónindegi kúsh-jigerdi biriktirýge baǵyttalǵan birqatar usynystar berdi.
