Foto: gov.kz
1991 jyldan beri respýblıkaǵa 1 mıllıon 144,9 myń etnıkalyq qazaq oralǵan. 2024 jyly 16 535 etnıkalyq qazaq tarıhı otanymen tabysyp, qandas mártebesin alǵan.
«Jyl basynan beri Qazaqstanǵa kelgen qandastardyń 45,9 paıyzy Qytaıdan, 39,2 paıyzy – О́zbekstannan, 5,8 paıyzy – Mońǵolııadan, 5,2 paıyzy – Túrikmenstannan, 2,8 paıyzy – Reseıden jáne 1,1 paıyzy basqa elderden», delingen habarlamada.
1 qarashadaǵy jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 57,4 paıyzdy, eńbekke qabiletti jas mólsherinen kishi 33,2 paıyzdy, al zeınetkerler 9,4 paıyzdy quraǵan.
«Eńbekke qabiletti jastaǵylar boıynsha 17,8 paıyzy joǵary bilimdi, 24,8 paıyzy orta kásibı bilimdi, 54,4 paıyzy jalpy orta bilimdi, al 3 paıyzynyń arnaıy bilimi joq», delingen.
Qandastardy qonystandyrý úshin eńbek kúshi tapshy óńirler anyqtalǵan, olar: Aqmola, Abaı, Qostanaı, Pavlodar, Shyǵys jáne Soltústik Qazaqstan oblystary.
Qonystandyrý óńirlerinde 2024 jylǵa arnalǵan qandastardy qabyldaý kvotasy – 3 033 adam. 2024 jylǵy 1 qarashadaǵy jaǵdaı boıynsha 2 841 qandas qonys aýdarǵan.
