Tusaýkeser rásiminde Túrkııa prezıdenttik ulttyq kitaphanasynyń dırektory Aıhan Týglý, Túrkııa respýblıkasyndaǵy elshiliginiń attashesi Dinmuhamed О́miráli, Túrkologııa ǵylymı-zertteý ınstıtýty dırektorynyń orynbasary, kitapty túrik tiline aýdarǵan Halıl Chetın, «KOK TUĞ» qazaq mádenıeti qaýymdastyǵynyń basshysy Qaragóz Ahmetova arnaıy sóz alyp, Kenjehan Islámjanulyn quttyqtap, izgi tilekterin bildirdi. Sharany «Turktav» túrki tarıhy jáne mádenıeti qorynyń vıse-prezıdenti Asel Laqaeva júrgizdi.
Kenjehan Islámjanuly uıymdastyrýshylarǵa alǵysyn bildirip, baýyrlas elder halqyna ystyq sálemin joldap: «Tarıhy, taǵdyry toǵysqan, túbi bir baýyrlas Túrkııa men Qazaqstan elderiniń arasyndaǵy ádebı-mádenı baılanystar nyǵaıyp, yntymaq-birligi arta bersin», dedi.
Is-sharaǵa Ankara Hajy Baıram Velı ýnıversıtetiniń professory Gúljanat Qurmanǵalıeva-Erjılasýn, Hadjettepe ýnıversıteti folklortaný bóliminiń professory Ozgýl Chobanoglý, «Turktav» túrki tarıhy jáne mádenıeti qorynyń prezıdenti Nızamettın Aıkýrt, M.Áýezov atyndaǵy Ádebıet jáne óner ınstıtýtynyń baspasóz hatshysy Nur Maǵazbekov jáne Hadjettepe, Ankara Hajy Baıram Velı ýnıversıtetiniń oqytýshylary, ádebıettanýshylar, tarıhshylar qatysty.
Túrik tiline aýdarylǵan eńbek «Taqyryptyń tarıhnamasy», «Janr tabıǵaty», «Álpeshteý folklory», «Úılený folklory», «Azalaý folklory», «Tarıhı poetıka máseleleri» taraýlarynan turady.
Almaty
