Foto: Oqu-agartu ministrligi
Oqý-aǵartý mınıstrliginiń baspasóz qyzmeti málim etkendeı, baǵdarlamaǵa irikteý bes kezeńnen turady. Birinshi kezeńde úmitkerler kásibı jáne basqarýshylyq quzyretterdi baǵalaý úshin testileýden ótedi, ekinshi kezeńde – oqýǵa jiberiledi, úshinshi kezeńde – eldiń jetekshi mektepterinde taǵylymdamadan ótedi, tórtinshi kezeńde – qorytyndy baǵalaýǵa qatysady, al besinshi kezeńde – mınıstrlik komıssııasymen áńgimelesýden ótedi. Barlyq kezeńderdiń nátıjeleri boıynsha bilim berý uıymdary basshylarynyń Respýblıkalyq kadrlyq rezervi qalyptastyrylady.
Bıyl alǵashqy kezeńde 13 796 úmitker tirkelgen, bul ótken jylmen salystyrǵanda 2,5 ese kóp. Barlyq bes kezeńniń qorytyndysy boıynsha respýblıkalyq kadr rezervine balabaqshalar, mektepter men kolledjderdiń basshylary laýazymdaryna 375 kandıdat usynyldy.
«Oqýdan, taǵylymdamadan jáne áńgimelesýden ótken úmitkerlerge sertıfıkat beriledi. Sonyń negizinde odan ári jumysqa ornalasý úshin olar kadr rezervine alynady. Rezervtegiler birinshi basshynyń bos laýazymyna konkýrstyq rásimderden ótpeı taǵaıyndalady. Barlyq kezeńderden sátti ótip, sertıfıkat alǵandarǵa «basshy-kóshbasshy» biliktilik sanaty beriledi», dep atap ótti Orta bilim komıtetiniń tóraǵasy Qanybek Jumashev.
Esterińizge salaıyq, byltyr Respýblıkalyq kadr rezervine 208 kandıdat alyndy, olardyń 170-i mektep dırektory laýazymyna taǵaıyndaldy.
