Eń aldymen vıse-premer qarjy ınstıtýtynyń qoldaýymen ekonomıkanyń naqty sektorynda birqatar jobalardyń sátti júzege asyrylǵanyn atap ótti. Bank memlekettik jeke menshik áriptestik negizde Kókshetaýdaǵy aýrýhana qurylysyna qatysyp jatyr. Tamara Dúısenova qarjy ınstıtýty ókilderin áleýmettik saladaǵy áriptestikti keńeıtýge shaqyrdy.
Memleket basshysynyń tapsyrmasymen bilim salasy ınfraqurylymyn jaqsartý boıynsha sharalary iske asyrylyp jatqany atap ótildi. «Jaıly mektep» ulttyq jobasy aıasynda mektepter salynyp jatyr. Aldaǵy úsh jylda 1300 orta bilim berý nysandaryna kúrdeli jóndeý júrgizý jáne olardy zamanaýı pán kabınetterimen jabdyqtaý josparlanyp otyr. Osyǵan baılanysty, Premer-mınıstrdiń orynbasary halyqaralyq qarjy ınstıtýty ókilderin birlese jumys isteýge shaqyrdy.
Hýseın Ozhan óz kezeginde EQDB áleýmettik saladaǵy áriptestikti damytýǵa ázir ekenin málimdedi. Sondaı-aq ol usynylyp otyrǵan jobalardy múddeli memlekettik organdarmen, ózge de halyqaralyq ınstıtýttarmen birlese qarastyrýǵa daıyn ekenin jetkizdi.
