foto: sb.by
Sharaǵa Katar, BAÁ, Ázirbaıjan, Bahreın, Malaızııa, Pákistan, Úndistan jáne Qazaqstannan dinı birlestikter ókilderi, turaqty damý salasyndaǵy sarapshylar, dıplomattar, sondaı-aq dıalog jáne áleýmettik turaqtylyq máselelerine mamandanǵan ǵalymdar qatysty.
Dóńgelek ústeldiń maqsaty – Turaqty damý maqsattaryna qol jetkizýdegi dinı lıderlerdiń, sondaı-aq Álemdik jáne dástúrli dinder lıderleri sezine qatysýshylary men dostarynyń izgilik qundylyqtaryn ilgeriletýdegi róliniń mańyzdylyǵyn zertteý.
Dóńgelek ústel turaqty damýdaǵy senimniń rólin oı eleginen ótkizip, senimge negizdelgen bastamalar men konfessııaaralyq seriktestikterdiń áleýetin zertteı otyryp, din kóshbasshylarynyń, qaýymdastyqtar men ınstıtýttardyń qazirgi zamannyń eń ózekti jahandyq máselelerin sheshý úshin qalaı birlesip jumys isteıtini týraly jańa túsinikter berdi.
Sharany ashqan Ortalyq tóraǵasynyń keńesshisi Bolat Sársenbaev dinı uıymdar men din lıderleriniń konfessııaaralyq dıalogty nyǵaıtýǵa, bilim berýdi damytýǵa jáne qorshaǵan ortaǵa qamqorlyq jasaýǵa kópten úles qosyp kele jatqanyn atap ótti.
«Birlese jumys isteı otyryp, biz barlyq senim dástúrleri ortaq moraldyq jáne etıkalyq qundylyqtardy Turaqty damý maqsattaryna (TDM) qol jetkizý úshin jáne neǵurlym ádil jáne ınklıýzıvti álem qurý úshin qoldana alamyz», dedi ol.
О́z kezeginde Baký halyqaralyq mýltımádenıet ortalyǵynyń atqarýshy dırektory Ravan Gasanov bul pikirtalastyń bizdi biriktiretin qundylyqtardy kórsetetinine toqtalyp, senimder ártúrli bolǵanymen, ǵalamsharymyzdy qorǵaýǵa jáne adamzatty damytýǵa degen umtylysymyzda shek joq ekenin atap ótti. Tarıhta Ybyraıymdyq dinderdiń árqaısysy – ıýdaızm, hrıstıandyq jáne ıslam – jaratylysty saqtaýdyń mańyzdylyǵyn atap ótken.
«Dinı qaýymdastyqtar men olardyń lıderleri árqashan adamgershilik pen janashyrlyqtyń myzǵymas shamshyraqtary boldy. Qazirgi ózara baılanysty álemde olardyń yqpaly beıbitshilikti ilgeriletý, kedeılikti joıý, balalarymyzǵa durys bilim berý, genderlik teńdikti ilgeriletý, qorshaǵan ortany qorǵaý jáne berik seriktestik ornatý sııaqty jahandyq basymdyqtardy sheshýge baǵyttalǵan», dep atap ótti óz sózinde Doha halyqaralyq konfessııaaralyq dıalog ortalyǵynyń dırektorlar keńesiniń tóraǵasy, professor Ibragım Salıh Ál-Naımı Naımı.
Onlaın-dóńgelek ústel turaqty damý maqsattaryn birlesip ilgeriletýge dinı jáne sarapshylyq qaýymdastyqtardyń joǵary qyzyǵýshylyǵyn kórsetti. Qorytyndylaı kele, uıymdastyrýshylar barlyq qatysýshylarǵa alǵysyn bildirdi jáne Álemdik jáne dástúrli dinder lıderleri seziniń 2023-2033 jyldarǵa arnalǵan Damý tujyrymdamasyn ilgeriletý sheńberinde senim, dıalog jáne birlesken kúsh-jiger prızmasy arqyly jahandyq maqsattarǵa qol jetkizý úshin yntymaqtastyqty jalǵastyrýǵa daıyn ekendikterin atap ótti.
