Foto:depositphotos.com
Bul arnaıy operasııa jalǵan aqsha jasaý jáne satýmen aınalysatyn qylmystyq toptyń jolyn kesýge baǵyttalǵan.
Túrik quqyq qorǵaý organdary jalǵan eýrodan bólek, birneshe iri bankterdiń atyna basylǵan kontrafaktilik chekterdi, sondaı-aq jalǵan aqsha jasaý úshin paıdalanylǵan baspa blankilerin de tárkilegen.
«Kúsh qurylymdarynyń jedel is-sharalary barysynda birneshe kúdikti ustaldy. Qylmystyq top tek Túrkııada ǵana emes, basqa elderde de áreket etken», delingen habarlamada.
Jalǵan aqsha jasaýshylar zańsyz qarjylyq operasııalarmen aınalysatyn iri halyqaralyq qylmystyq jelilermen baılanysy bolýy múmkin degen boljam bar. Qazirgi ýaqytta Túrkııanyń tergeý organdary jalǵan kýpıýralardy taratý shemasyna qatysqandardy anyqtaý maqsatynda tıisti jumys júrgizip jatyr.
