Geologter 2 km tereńdikte 300 tonna, 3 km tereńdikte 1000 tonnadan astam altyn qory bar 40-tan astam altyn kenin anyqtady. Rezervterdiń quny $83 mlrd. Bul jahandyq kórsetkishten asyp túsken. Geologter shet aımaqtardan taǵy da ken oryndarynyń tabylýy múmkin dep otyr. Qytaı altyn óndirýden qazirdiń ózinde birinshi orynda tur.
Elektr energııasyn óndirýdiń jańa ádisi
Qytaı ǵalymdary aýa jylýynan elektr energııasyn óndirý úshin sýdy qajet etpeıtin germetıkalyq gıdroelektrlik elementti ázirledi.
Jańa tehnologııa býlandyrý úderisin turaqtandyrý úshin temperatýra ózgerisi men eki qabatty qurylymdy paıdalanady. Gıdroelektrlik element sýsyz 160 saǵatqa deıin jumys isteı alady. Bul ádis tropıktik aımaqtarda tótenshe jaǵdaı kezinde qoldanylýy múmkin.
Qýatty akkýmýlıator
Aýstralııa ǵalymdary lıtıı-kúkirt akkýmýlıatorlarynyń jańa túrin jasap shyǵardy.
Bul batareıalardyń energııa tyǵyzdyǵy 400 Vt·saǵ/kg deıin jetedi. Bul lıtıı-ıondy akkýmýlıatorlardan eki ese kóp. Olar jeńil, arzan ári jyldam qýattalady. Sondaı-aq ekologııalyq turǵydan tıimdi, sebebi quramynda qymbat kobalt joq. Al katod retinde keń taralǵan kúkirt paıdalanylǵan. Monash ýnıversıtetiniń ǵalymdary polıvınılpırrolıdon qosý arqyly zarıadtaý jyldamdyǵyn arttyryp, batareıanyń ónimdiligin jaqsartqan. Bul tehnologııa avıasııa men eVTOL kólikterine, ásirese, ushý men qoný kezinde joǵary qýat qajet bolatyn jaǵdaılarda qoldanylady. Sonymen qatar lıtıı-kúkirt batareıalar óndiris shyǵyndaryn azaıtady.
