Shymkentte qaraqshylar janarmaı quıý beketinde eki adamdy atyp ketti

ASTANA. 30 sáýir. Shymkent qalasyna jaqyn mańdaǵy Qaraspan aýylynda ornalasqan janarmaı quıý beketine qaraqshylyq shabýyl jasalyp, eki adamdy atyp ketti. Bul týraly times.kz habarlady. Qaraqshylyq shabýyl kezinde qylmyskerler kýáger qaldyrmas úshin janarmaı quıý ǵımaratyndaǵy kassır, kúzetshi jáne maı quıýshyny atyp ketken. Saldarynan 26 jastaǵy kassır men 40 jastaǵy kúzetshi oqıǵa ornynda qaza tapty. Al úshinshi qyzmetker tiri qalǵan. Ol qazirgi tańda aýrýhananyń jan saqtaý bóliminde es-tússiz jatyr. Aıta keteıik, janarmaı quıý beketi «GazPromNeft» kompanııasyna tıesili. Buǵan deıin de atalǵan nysan bir márte tonalǵan. Ol kezde qylmyskerler jumysshylardy uryp-soǵyp, 470 myń teńgeni qoldy etken eken. Sol oqıǵadan sabaq almaǵan basshylyq ǵımarat mańyna beıne kamera men dabyl qaǵatyn qondyrǵy ornatpaǵan. Oqıǵaǵa qaıta oralsaq, qaza tapqan eki qyzmetkerdiń artynda áıelderi men balalary qaldy. Sondyqtan marqumnyń týǵan-týystary sot arqyly atalǵan kompanııadan jetim qalǵan balalarǵa kámeletke tolǵanǵa deıin járdem berýdi talap etpek. Talǵat Raıymbek. Derek, sýret: times.kz.