Foto: Turizm jane sport ministrligi
Shahmat: Italııanyń Montesılvano qalasynda kadetter arasyndaǵy (U8-U12) álem chempıonatynda Qazaqstan quramasy ókilderi 2 altyn, 1 kúmis júlde oljalap, jalpykomandalyq esepte 1-orynǵa ıe boldy.
Konkımen júgirý: Polshanyń Tomashýv-Mazoveskıı qalasynda uıymdastyrylǵan Álem kýbogi kezeńinde Qazaqstan jasóspirimder quramasy qola medal jeńip aldy.
Badmınton: Bahrain International Series II 2024 (Bahreın) týrnırinde Dmıtrıı Panarın – Aısha Jumabek juby úzdik shyqty. Oǵan qosa, D.Panarın jekeleı synda qola medal ıelendi.
Tennıs: Meksıkanyń Merıda qalasynda jasóspirimder arasyndaǵy ITF J500 týrnırinde Ámir Omarhanov jeńimpaz atandy. Ol reseılik Tımofeı Derıpaskomen jup qurap, fınalda chehııalyq Petr Brýnlık pen ulybrıtanııalyq Charlı Robertsondy tize búktirdi – 6:4, 6:1.
Fýtzal: Horvatııanyń Zagreb qalasynda fýtzaldan Chempıondar lıgasynyń elıtalyq kezeńinde «Qaırat» komandasy B tobynda birinshi orynǵa ıe bolyp, «Tórttik fınalǵa» joldama aldy.
