Foto: Úkimet
Dos Sarbasovtyń aıtýynsha, bul dári-dármekti birinshi ret qabyldaǵannan keıin on bes onkologııalyq naýqastyń jaǵdaıy turaqtanǵan. Olardyń altaýynda isiktiń ósýi toqtasa, bir naýqasta isik 30 paıyzǵa azaıǵan. Endi el dárigerleri preparatta ýyttylyqtyń joǵy rastalǵannyn kútip otyr.
«Biz qaterli isikke qarsy apparatty 2022-2023 jyldary synaı bastadyq, ruqsat qujattaryn aldyq. Klınıkalyq synaqtyń 1-shi jáne 2-shi kezeńderin ótkizdik. Qazir biz joǵary dozany alýǵa qol jetkizdik. Synaqtar Qazaq onkologııa jáne radıologııa ınstıtýtynda ótip jatyr. Biz glıýkozany sińiretin rak kletkalaryn joıamyz. Halyqaralyq patentimiz bar. Baqylaý tobynda bolǵan 5 pasıenttiń jaǵdaıyn turaqtandyrýǵa áser etti. Isik ósken joq, bir naýqasta isik 30%-ǵa azaıdy. Isti sońyna deıin jetkizip, 2-3 jyl ishinde jobany aıaqtaýymyz kerek», dedi Dos Sarbasov.
