Teatr ujymy jeltoqsannyń 4-7 aralyǵynda baýyrlas qyrǵyz eliniń bas shahary Bishkek qalasyna at basyn tirep, T. Abdýmomynov atyndaǵy Qyrǵyz ulttyq akademııalyq drama teatrynyń sahnasynda óner kórsetedi.
Gastroldik baǵdarlama boıynsha qazaq jáne álemdik dramatýrgııa jaýharlary «Qyz Jibek», «Qoshtasqym kelmeıdi», «Qorqyttyń kóri», «Máńgilik bala beıne» syndy spektaklder kórermen nazaryna usynylady.
Bul qoıylymdarda ózindik qoltańbasymen kórermendi tánti etip júrgen birqatar óner ıeleri Qazaqstannyń Halyq ártisi Dýlyǵa Aqmolda, Qazaqstannyń eńbek sińirgen qaıratkerleri Bolat Ábdilmanov, Shynar Janysbekova, Shynar Asqarova, Jalǵas Tolǵanbaı, Mádenıet salasynyń úzdigi Kúnsulý Shaıahmetova, Qazaqstan Jastar odaǵy «Serper» jastar syılyǵynyń ıegerleri Saltanat Baqaeva, Zarına Karmen, Asan Májıt syndy teatr artısteri óner kórsetedi.
Aıta keteıik, gastroldik sapar Mádenıet jáne aqparat mınıstrliginiń qoldaýymen ótedi.
Gastrol baǵdarlamasy:
4 jeltoqsan 18.30-da Ǵ. Músirepov «Qyz Jibek» spektakli /mýzykalyq drama/ 2 saǵat
5 jeltoqsan 18.30-da A. Volodın «Qoshtasqym kelmeıdi» /drama/ 1 saǵat 40 mın
6 jeltoqsan 18.30-da I. Ǵaıyp «Qorqyttyń kóri» /drama/ 2 saǵat
7 jeltoqsan 18.30-da R. Muqanova «Máńgilik bala beıne» /tragedııa/ 2 saǵat
