Syrtqy ister mınıstrleri Qytaıda kezdesti

Is-shara seriktestikti nyǵaıtý, óńirlik jáne halyqaralyq ma­ńyzy bar negizgi máselelerdi tal­qy­laý úshin mańyzdy alań bol­dy. Kezdesýde taraptar saıa­sı dıalogti tereńdetýge, eko­no­­mıkalyq baılanystardy damy­týǵa jáne má­denı-gýma­nı­tar­lyq almasýlardy nyǵaıtý­ǵa óz mindettemelerin rasta­dy. Mı­nıstrler «О́ńir­diń turaq­ty­lyǵy, qaýipsizdigi jáne or­nyqty damýy» tujyrymdamasy aıasyn­da birlesken jumysty jal­ǵastyrýdyń mańyzyn atap ótti.

Negizgi taqyryptar ekono­mıkalyq yntymaqtastyq, aımaq­­taǵy qaýipsizdik másele­ler, kó­lik-logıstıkalyq ynty­maq­tas­tyq, klımat jáne ekologııa, sondaı-aq mádenı-gýmanı­tarlyq baılanystardy keńeıtý boldy. Otyrysqa qatysýshylar birlesken ınfraqurylymdyq jobalardy iske asyrý, saýda rásimderin ońaılatý jáne «Bir beldeý, bir jol» bastamasy aıasynda ınvestısııalardy yn­talandyrý qajettigin atap ót­ti. Mınıstr­ler terrorızm­ge, ekstremızmge jáne transult­tyq qylmysqa qar­sy sharalardy kúsheıtýdi, son­daı-aq kıber­qaýip­sizdik salasyn­daǵy kúsh-jigerdi úılestirýdi talqylady.

Kezdesý barysynda sý resýrs­taryn, jańartylatyn ener­getıkany jáne qorshaǵan ortany qorǵaýdy qosa alǵanda, eko­lo­gııalyq turaqtylyq sala­syn­daǵy yntymaqtastyqty art­tyrý ýaǵdalastyǵyna qol jet­kizildi. Sondaı-aq halyqtar ara­syndaǵy ózara túsinistikti ny­ǵaıtý úshin bilim, týrızm jáne mádenıet salasyndaǵy almasý baǵdarlamalaryn tereńdetý týraly sheshim qabyldandy.

M.Nurtileý taraptarǵa syndarly dıalog jáne Ortalyq Azııa elderi men Qytaı arasyn­daǵy ózara is-qımyldy odan ári damytý úshin jańa vektorlardy talqylaý múmkindigi úshin alǵysyn bildirdi.

«Qazaqstan bul formatty biz­­­diń ortaq bolashaǵymyzdy ny­­ǵaı­­týdyń mańyzdy platformasy re­tinde qarastyrady. Biz eko­no­mıka, qaýipsizdik jáne ekolo­gııa salasyndaǵy yntymaqtas­tyq­ty tereńdetý búkil óńirde turaq­tylyq pen órkendeýge qol jet­ki­zýge múmkindik bereti­nine senim­dimiz», dep málimdedi mınıstr.

QHR Syrtqy ister mınıstri Van I Ortalyq Azııa Qytaıdyń turaq­tylyq pen órkendeýdi ilgeri­letýdegi basty seriktesi bolyp qala beretinin atap ótti.

«Bizdiń format strategııa­lyq basymdyqtardy úılestirý jáne ózara tıimdi jobalardy il­geri­letý úshin mańyzdy alań re­tinde qyzmet etedi», dedi Qytaı mınıstri.

Kezdesýge qatysýshylar 2025 jyly Qazaqstanda ótetin «Orta­lyq Azııa – Qytaı» for­matyndaǵy II sammıtke daıyn­dyqtyń negizgi aspektilerin talqy­lady. Ortalyq Azııa el­deriniń ókilderi kezdesý­di ótkizý bas­tamasy úshin alǵys bildirip, bir­lesken maqsattardy iske asyrý úshin osy formatty jalǵastyrý qajettigin atap ótti.

Sonymen qatar «Tıanfý-Sychýan» transshekaralyq ma­gıst­rali arqyly 5 myńynshy júk kóli­giniń jóneltý men Orta­lyq Azııaǵa 500-inshi poıyz jiberý rásimi ótti.

Sońynda taraptar 2025 jyly «Or­talyq Azııa – Qytaı» for­­ma­tyndaǵy kelesi kezdesýdi Qazaqstanda sammıt qarsańynda ótkizýge kelisti.