Foto:Aqorda
Prezıdent Rııad qalasynda One Water sammıtin uıymdastyrýǵa qoldaý kórsetkeni úshin Qos kıeniń saqshysy, Saýd Arabııasynyń Koroli Salman ben Ábdelazız Ál Saýdqa jáne Saýd Arabııasynyń Taq murageri, Premer-mınıstri Muhammed ben Salman ben Ábdelazız Ál Saýdqa alǵys aıtty. Memleket basshysy Qazaqstan men Fransııanyń tóraǵalyǵymen ótip jatqan sammıt álemdegi ekologııalyq kún tártibin ilgeriletýge eleýli úles qosatynyna senim bildirdi.
Qasym-Jomart Toqaev bıyl Qazaqstan men Saýd Arabııasynyń arasynda dıplomatııalyq qarym-qatynas ornaǵanyna 30 jyl tolǵanyn atap ótti. Prezıdenttiń aıtýynsha, osy kezeńde eki el arasynda senimdi saıası dıalog jolǵa qoıylyp, berik quqyqtyq baza qalyptasty. Sondaı-aq birqatar ınvestısııalyq jobalar júzege asty.
Kezdesý barysynda energetıka, munaı-gaz ónerkásibi, kólik-logıstıka salalaryndaǵy saýda-ekonomıkalyq jáne ınvestısııalyq yntymaqtastyq máseleleri qarastyryldy.
Taq murageri Muhammed ben Salman ben Ábdelazız Ál Saýd Qazaqstandy Saýd Arabııasynyń Ortalyq Azııadaǵy mańyzdy seriktesi dep atady. Premer-mınıstrdiń pikirinshe, eki eldiń saýda-ekonomıkalyq jáne ınvestısııalyq baılanystaryn qarqyndy túrde damytýǵa mol múmkindik bar.
Áńgimelesý barysynda óńirlik jáne halyqaralyq kún tártibindegi ózekti taqyryptar talqylandy.
