Foto: depositphotos.com
Bıyl komıssııanyń qaraýyna 15 baǵyt boıynsha 118 ótinim tústi. Muqııat irikteýdiń nátıjesinde 47 úmitker jeńimpaz atandy. Olardyń jobalary men bastamalary volonterlik qyzmet salasyndaǵy janqııarlyq pen tıimdiliktiń úlgisi boldy.
«Jyl volonteri» Halyqaralyq syılyǵy Memleket basshysynyń bastamasymen 2020 jyldan bastap jyl saıyn ótkizilip keledi. Bul syılyq qoǵamdyq paıdaly bastamalardy damytýǵa eleýli úles qosqan volonterlerdi yntalandyrýǵa jáne volonterlik qozǵalysqa jańa qatysýshylardy tartýǵa baǵyttalǵan.
Sondaı-aq 5 jeltoqsan – Halyqaralyq volonterler kúnin merekeleý aıasynda Qazaqstan halqy arasynda volonterlik jáne qaıyrymdylyq mádenıetin damytýǵa baǵyttalǵan «Igi ister marafony» jobasynyń jeńimpazdaryn marapattaý rásimi ótedi.
«Igi ister marafony» jobasy 2024 jyldyń 9 shildesinen 1 jeltoqsanyna deıin elimizdi qamtyp, biriktirilgen kúshterdiń jigerin kórsete otyryp, úlgi bolarlyqtaı oqıǵaǵa aınaldy. Marafon barysynda 7000-nan astam ıgi is jasaldy, al onyń qatysýshylarynyń sany 50 000 adamǵa jýyqtady.
Joba bes aptadan turatyn ıgi isterdi qamtydy:
- «Ekologııa» baǵytyndaǵy meıirim aptalyǵy;
- Jastar kúnine arnalǵan meıirim aptalyǵy;
- Qarttar kúnine arnalǵan meıirim aptalyǵy;
- Janýarlardy qorǵaýǵa arnalǵan meıirim aptalyǵy;
- «Inklıýzııa» baǵytyndaǵy meıirim aptalyǵy.
Igi ister aıasynda jasalǵan volonterlik jáne qaıyrymdylyq is-sharalar:
- 3200 jýyq aǵash otyrǵyzyldy;
- 240 tonna qoqys, plastıka, makalatýra jınaldy;
- 6000 otbasylarǵa, múgedektigi bar azamattarǵa, jalǵyzbasty qarttarǵa azyq-túlik, turmystyq hımııa, dári-dármek boıynsha kómek kórsetilip, aýlada tazalyqjumystary, turmystyq kómek jáne otyn jarý jumystary júrgizildi;
- 1000-nan asa úısiz qalǵan janýarlarǵa kómek kórsetildi.
«Igi ister marafony» jobasy aıasynda bıyl 5 arnaıy nomınasııa qarastyrylǵan, olar: «Eń meıirimdi aımaq», «Eń meıirimdi ujym», «Eń meıirimdi oqý orny», «Eń meıirimdi aýyl», «Eń belsendi medıa».
Saltanatty marapattaý rásimi 2024 jylǵy 5 jeltoqsan kúni saǵat 10:00-de Halyqaralyq volonterler kúnine oraı Astana qalasynda, Qabanbaı batyr dańǵyly 3 mekenjaıynda ornalasqan Saltanat saraıynda ótedi.
