Foto: Ashyq derekkóz
«Qazaqstan Respýblıkasynyń dıplomatııasy men syrtqy saıasaty eshqashan úshinshi memleketterdiń isine aralaspaıdy. Ońtústik Koreıada bolyp jatqannyń bári Ońtústik Koreıanyń máselesi», dedi Álibek Baqaev.
Onyń aıtýynsha, Syrtqy ister mınıstrliginiń basty mindeti - Qazaqstannan tys jerde, atap aıtqanda Ońtústik Koreıada júrgen azamattardyń quqyqtaryn barynsha qamtamasyz etý.
«Ońtústik Koreıada bolyp jatqan jaǵdaıǵa qaramastan, Qazaqstan azamattary elshilikke habarlaspady. Olar kómek surap habarlasyp jatsa, árıne, elshilik tarapynan jan-jaqty qoldaý kórsetiledi. Qazir Ońtústik Koreıada ártúrli maqsatpen 30 myńnan Qazaqstan azamattary turyp jatyr. El azamattarynyń Koreıada kóp bolýynyń bir sebebi – vızasyz rejım», dedi Á.Baqaev.
Ol Izraıl men Ýkraınadaǵy qaqtyǵystar jaǵdaıynda el azamattaryn Memleket ózderi úshin uıymdastyrǵan ushaqtarmen otanyna jetkizgenin eske saldy. Baqaevtyń aıtýynsha, Ońtústik Koreıa jaǵdaıynda mundaı qajettilik joq.
