Foto: TJM
Astana qalalyq TJD qyzmetkerleri jergilikti atqarýshy organdarynyń ókilderimen birlesip «Nura» aýdany Kishi Taldykól kóliniń qar polıgony men bógetine aerovızýaldy tekserý júrgizdi.
Qar polıgonynan erigen sýdy aǵyzý úshin arnany qazý oryndary, sondaı-aq ony odan ári nyǵaıtý úshin bóget boıyndaǵy qıyndyq týdyratyn jerler anyqtaldy.
Mamandar tekserý qorytyndysy boıynsha jaýapty memlekettik organdarǵa usynystar daıyndady. Olardyń sheshimi elorda aýmaǵyndaǵy sý tasqyny kezeńiniń qaýipsiz ótýin qamtamasyz etýi tıis.
Al ShQO-da Glýbokoe, Altaı, Úlken Naryn jáne Qatonqaraǵaı aýdanyndaǵy sý tasqyny qaýpi bar jerlerge de aerovızýaldy tekserý júrgizildi.
Áýeden barlaý nátıjesinde Buqtyrma ózeniniń boıynda, sonymen qatar Glýbokoe aýdanynda ornalasqan eldi mekenderdiń jaǵdaıyna monıtorıng jasalǵan.
«О́ńirde sý tasqyny qubylystarynyń týyndaýyna jol bermeý maqsatynda 2025 jyly ınjenerlik jumystar jospary bekitildi. Josparǵa sáıkes oblys aýmaǵynda oblystyń 13 aýdanynda sý tasqynyna qarsy 55 is-shara iske asyrylyp jatyr», dedi Shyǵys Qazaqstan oblysy TJD bastyǵy Rashıd Blıalov.
