Sýret: ru.freepik.com
Jańa zaýyttyń ashylý saltanatyna oblys ákiminiń orynbasary Baqytjan Narymbetov, Bórli aýdany ákiminiń mindetin atqarýshy Altaı Toqjanov, oblystyq ekologııa departamentiniń basshysy Murat Ermekqalıev, aýdan turǵyndary qatysty.
«Bizdiń kompanııa qaýipti qaldyqtardy óńdeıdi, zararsyzdandyryp, joıa da alady. Ol úshin keshende arnaıy qurylǵylar, ınsınerator, qaldyqty suryptaý jelisi, qaǵaz ben plastık ydystardy syǵymdaıtyn jabdyq, aǵash qaldyǵyn jańqalaıtyn qural bar», deıdi osy jobanyń negizin qalaýshy, «Merlion Development Group» kompanııasynyń basshysy Dınar Hamıev.
Keshende qurylys qaldyqtary, eskirgen arnaýly kıimder, jeke qorǵanys quraldary, aǵash qaldyǵy óńdeledi. Sondaı-aq makýlatýrany, PET-ydystardy, alıýmınıı, plastık qalbyrlardy suryptaıdy.
– 40 myń adam turatyn Aqsaı qalasynda negizgi ınnovasııalyq nysandar jumys istep tur. Osy jobanyń ózine 800 mln teńge ınvestısııa quıylyp otyr. Jobanyń qýaty jylyna 5 myń tonna qaldyq óńdeýge qabiletti. 12 adamǵa turaqty jumys ashyldy. Álemdik tájirıbede mundaı qaldyq óńdeıtin nysandardyń qyzmeti ekologııa úshin de, bıznes úshin de óte mańyzdy. Bıyl elimizde osy salany О́ndiristi damytý qory arqyly 3 jyldan 15 jylǵa deıin 3 paıyzdyq ósimmen jeńildikti qarjylandyrý mehanızmi iske qosyldy. Osy maqsatqa úsh jylǵa 200 mıllıard teńge qarajat bólinip otyr. Baǵdarlamanyń kómegimen keshen jumysyn odan ári keńeıtý kerek, – dedi B.Narymbetov.
Sońǵy jyldary ıtalııalyq «PetrolValves S.p.A» kompanııasy men otandyq «Merlion Development Group» JShS «PetrolValves Kazakhstan» atty birikken kásiporyn quryp, munaı-gaz, energetıka ónerkásibinde qoldanylatyn joǵary tehnologııalyq tıekti armatýralar, klapandar óndirýmen, olardy jóndeýmen aınalysyp keledi. Bul – elimizde joǵary tehnologııalyq klapandar óndiretin, servıstik qyzmet kórsetetin jalǵyz óndiris orny. Byltyr Memleket basshysy Qasym-Jomart Toqaev Batys Qazaqstan oblysyna jumys sapary aıasynda Aqsaı qalasyndaǵy «PetrolValves Kazakhstan» JShS-nyń óndiris sehyna barǵan bolatyn.
Batys Qazaqstan oblysy
