Taǵaıyndaý • 06 Jeltoqsan, 2024

Túrkistan oblysy ákimi apparatynyń jańa basshysy taǵaıyndaldy

151 ret

kórsetildi

1 mın

oqý úshin

QR Prezıdenti Ákimshiliginiń kelisimi boıynsha jáne Túrkistan oblysy ákiminiń ókimimen oblys ákimi apparatynyń basshysy laýazymyna Erkebulan Ábilhanuly Daýylbaev taǵaıyndaldy, dep habarlaıdy Egemen.kz ákimdiktiń baspasóz qyzmetine silteme jasap.

Qyrmyzy JUMAǴALIQYZY

Túrkistan oblysy ákimi apparatynyń jańa basshysy taǵaıyndaldy

Foto: Túrkistan oblysy ákimdigi

Oblys ákimi óńirdi damytý baǵytyndaǵy josparlar men mindetterge toqtalyp, taǵaıyndalǵan apparat basshysyna jańa mindetter júktedi.

Apparattyń jańa basshysy oblysty damytý baǵytynda bar kúsh-jigerin salatynyn, memlekettik qyzmettegi jınaǵan tájirıbesi men bilimin el múddesi jolynda jumsaıtynyn jetkizdi. Senim artqan oblys ákimine alǵysyn bildirdi.

Erkebulan Daýylbaev 1978 jyly Ońtústik Qazaqstan oblysynda dúnıege kelgen. M. Áýezov atyndaǵy Ońtústik Qazaqstan memlekettik ýnıversıtetin, Reseı keden akademııasyn bitirgen.

Eńbek jolyn 1999 jyly QR Qarjy mınıstrligi Kedendik baqylaý komıtetiniń OQO boıynsha Kedendik baqylaý departamentiniń ınspektory laýazymynan bastaǵan.

2020-2021 jyldary QR IIDM Qurylys jáne TKSh isteri komıteti tóraǵasynyń orynbasary, 2021 jylǵy tamyzdan QR Prezıdenti Ákimshiliginiń memlekettik ınspektory, 2022-2023 jyldary Qazaqstan Respýblıkasynyń Indýstrııa jáne ınfraqurylymdyq damý vıse-mınıstri bolǵan. 2023 jyldan bastap qazirge deıin Túrkistan oblysy ákiminiń keńesshisi qyzmetin atqaryp kelgen.