Aıta keteıik, Abaı atyndaǵy QazUPÝ Sorbonna-Qazaqstan ınstıtýtyn qurý týraly alǵashqy memorandýmǵa 2013 jyly Sorbonna Parıj-Sıte (Sorbonne Paris Sité) ýnıversıteti men Abaı atyndaǵy QazUPÝ arasynda qol qoıyldy. Al ınstıtýttyń saltanatty ashylýy 2014 jyldyń 6-jeltoqsanynda eki eldiń Memleket basshylarynyń qatysýymen ótken bolatyn. Abaı atyndaǵy QazUPÝ Sorbonna-Qazaqstan ınstıtýty ashylǵannan beri álemdik frankofonııa jelisine qosylyp, AUF-tiń (Frankofondyq ýnıversıtetter agenttigi) tolyqqandy múshesi boldy. Sorbonna-Qazaqstan ınstıtýty qurylǵan kezde 2014 jyly eki bilim berý baǵdarlamasy ashyldy, al stýdentterdiń jalpy kontıngenti 40 adamdy qurady.
2018 jyldan bastap Abaı atyndaǵy QazUPÝ basshylyǵy ınstıtýttyń barlyq bilim berý baǵdarlamalarynda fransýz tilin úırenýge nazar aýdarýdy kúsheıtý týraly sheshim qabyldady. 2018 jyldan bastap ınstıtýt 1200-den astam stýdent shyǵardy.170-ten astam stýdent Fransııanyń seriktes ýnıversıtetteriniń dıplomdarymen Fransýz dıssertasııalaryn sátti qorǵady.
Abaı atyndaǵy QazUPÝ-niń rektory Bolat Tilep Fransııanyń Qazaqstandaǵy Tótenshe jáne О́kiletti Elshisi Sılvan Gıoge men birge Sorbonna-Qazaqstan ınstıtýtynyń 10 jylda atqarǵan jumysymen tanysty. Abaı ýnıversıtetiniń stýdentterimen oqytýshylarymen júzdesti. Qurmetti qonaq «Dıplomat joly» taqyrybyndaǵy dárisin ótkizdi. Elshi óziniń dıplomatııalyq jumystarymen júrip ótken jolyn, álemniń kóptegen elderinde elshilik qyzmet atqarǵandyǵyn, fransýz tilinen ózge kóp tildi meńgergendigin áńgimeledi. Stýdent jastar da Sılvan Gıoge myrzaǵa túrli saýaldar qoıyp, tushymdy jaýap aldy. Arnaıy dáristen soń, Fransııanyń Qazaqstandaǵy Tótenshe jáne О́kiletti Elshisi Sılvan Gıogege Abaı atyndaǵy QazUPÝ-niń «Qurmetti professor» ataǵy berildi. Meımanǵa arnaıy syı-sııapat tabys etildi.
Is-shara sońynda qonaqtar stýdenttermen estelik fotoǵa túsip, Abaı atyndaǵy QazUPÝ Sorbonna-Qazaqstan ınstıtýtynyń 10 jyldyǵyna quttyqtaýyn jetkizip, ary qaraı da jumysyna tabys tiledi.
