beınejazbadan alynǵan kadr
Buǵan deıin Talǵar qalasynyń mańynan 30 jastaǵy er adamnyń máıiti tabylǵany belgili bolǵan. Aldyn ala boljam boıynsha, ol óz-ózine qol jumsaǵan.
«Marqum aǵymdaǵy jyldyń 4 qazanynda qaıǵyly jaǵdaıda qaza tapqan kámeletke tolmaǵan Sherzat Polattyń aǵasy ekeni anyqtaldy. Tergeý barysynda marqum týystarynyń birine ózine-ózi qol jumsaý týraly messendjerde jibergen jazbasy anyqtaldy. Habarlamada ol týysqandarymen qoshtasyp, inisiniń janyna jerleýdi surady», delingen habarlamada.
Atalǵan fakti boıynsha qylmystyq is qozǵaldy. Qazirgi ýaqytta barlyq mán-jaıdy anyqtaý úshin tergeý amaldary júrgizilip jatyr.
«Qurmetti azamattar, tek resmı derekkózderge senýińizdi suraımyz jáne jalǵan aqparatty taratý qylmystyq jaýapkershilikke deıin ákelýi múmkin ekenin eske salamyz», dep qosty polısııa.
