Foto: Oqu-agartu ministrligi
2024-2025 oqý jylynda orta bilim berý uıymdarynda pedagogter sany 406 myńǵa jetken, bul byltyrǵy oqý jylymen salystyrǵanda 8 myńǵa kóbeıgenin kórsetedi.
Pedagogterdi jumysqa qabyldaýdyń joǵary kórsetkishi Túrkistan, Almaty, Jambyl oblystarynda jáne Shymkent qalasynda tirkelgen. Osylaısha, óńirlerdegi maman tapshylyǵy tolyǵymen joıylyp otyr.
Suranys pedagog mamandyǵyn bitirgen túlekter esebinen tolyqtyrylyp jatyr. Sebebi, sońǵy jyldary daryndy jastar arasynan pedagogıkalyq mamandyqtarǵa túsýshilerdiń oń dınamıkasy baıqalǵan. Mysaly, byltyr 1500 «Altyn belgi» ıegeri pedagog mamandyǵyn tańdasa, bıyl 1800-i tańdady.
«Jergilikti atqarýshy organdar tarapynan pedagogıkalyq mamandyqtar boıynsha bilim berý granttarynyń sany artyp keledi jáne shekti baldyń 50-den 75 balǵa deıin ósýine qaramastan, mamandyqqa degen qyzyǵýshylyq joǵary bolyp qala beredi. Bıyl pedagogıkalyq baǵytta JOO aıaqtaýshylar sany 48 myń adamdy quraǵan, onyń 2 myńǵa jýyǵy oblys ákimderiniń granty boıynsha bilim alǵan. Jańa oqý jyly bastalǵaly 8 myńǵa jýyq pedagog jumysqa qabyldandy», deıdi Orta bilim komıtetiniń tóraǵasy Qanybek Jumashev.
Aıta ketsek, jalpy 2021 jyldan bastap bilim berý júıesine jas mamandardy tartý boıynsha birqatar sharalar qabyldanyp keledi. Atap aıtqanda, pedagogıkalyq baǵyttarǵa granttar sany artqan, JOO stýdentteri úshin stıpendııa mólsheri 58 myńnan 67 myń teńgege deıin ulǵaıtylǵan. Bul rette pedagogıkalyq mamandyqtarǵa túsetin talapkerlerdiń UBT qorytyndysy boıynsha ortasha baly – 115-ti qurady.
