Foto: Ashyq derekkóz
Osy qyzmetterdiń jumysyna biryńǵaı tásildi qamtamasyz etý úshin Y.Altynsarın atyndaǵy KEAQ ázirlegen ádistemelik usynymdar bekitilgen. Olar mekteptegi medıasııa qyzmetterin qurý jáne olardyń tabysty jumys isteýi úshin qajetti teorııalyq jáne praktıkalyq materıaldardy qamtıdy. Bul usynymdar bilim berý uıymdarynda medıatıvtik praktıkalardy engizý úshin negiz bolady.
«Negizgi maqsat - qıyn ómirlik jaǵdaılarda qoldaý kórsetý, balalardy damytý jáne áleýmettendirý úshin qolaıly jáne qaýipsiz orta qurý. Budan bólek, munda otbasylyq-quqyqtyq daýlardy sheshýge járdem kórsetiledi. Mektep qyzmetteri qaqtyǵystardy retteýdiń mańyzdy quraly bolyp tabylady, al medıatıvtik praktıkalardy paıdalaný daýly jaǵdaılardyń sanyn qysqartýǵa jáne oqý oryndaryndaǵy psıhologııalyq ahýaldy jaqsartýǵa múmkindik beredi», dedi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Aıta keteıik, medıasııa qyzmetine joǵary synyp oqýshylary, pedagogter, pedagog-psıhologtar, áleýmettik pedagogter, ata-analar, sondaı-aq úkimettik emes uıymdardyń, qamqorshylyq keńesterdiń jáne aǵa urpaqtyń ókilderi kiredi.
